ماں جی فاؤنڈیشن کا متاثرینِ سوات و بنیر کی مدد کے لیے بڑا اقدام

راولپنڈی (حافظ عزیر شفیق) — ملک کے مشکل وقت میں پاکستان کا بیٹا نوید احمد ، اونر سپر فکس آج صبح پانچ بجے خصوصی طور پر پاکستان پہنچے۔ اپنی والدہ کے نام پر قائم ماں جی فاؤنڈیشن کے تحت وہ سوات اور بنیر کے متاثرہ عوام کے لیے فوری امداد کے ساتھ روانہ ہو گئے۔

ماں جی فاؤنڈیشن کی جانب سے متاثرین کے لیے راشن، کھانے پینے کی اشیاء، کچن کا سامان اور روزمرہ ضروریات روانہ کی گئیں۔ اس موقع پر پاک فوج کی مکمل سپورٹ بھی حاصل ہے تاکہ امدادی سرگرمیاں شفاف اور تیز رفتاری سے ممکن ہو سکیں۔

چیئرمین ماں جی فاؤنڈیشن نوید احمد نے اعلان کیا ہے کہ وہ تین سے چار دن تک خود سوات اور بنیر میں موجود رہیں گے تاکہ متاثرہ عوام کو نہ صرف راشن بلکہ کیش، طبی امداد اور ہر ممکن سہولت اپنی نگرانی میں فراہم کر سکیں۔

ماں جی فاؤنڈیشن کی ٹیم پہلے ہی موقع پر موجود ہے اور دل و جان سے خدمتِ انسانیت کے جذبے کے تحت سرگرم عمل ہے۔
یہ قدم نہ صرف متاثرہ خاندانوں کے لیے سہارا ہے بلکہ انسانیت کی خدمت کی ایک عظیم مثال بھی ہے۔