مستونگ،پولیس ٹرک کے قریب دھماکہ 3 پولیس اہلکار شہید

مستونگ میں پولیس کے ٹرک پر دھماکے کے نتیجے میں 3 پولیس اہلکار شہید ہوگئے۔پولیس حکام کے مطابق مستونگ میں شمس آباد کے قریب پولیس کے ٹرک کو نشانہ بنایا گیا اور اس دوران دھماکے کے نتیجے میں 3 اہلکار شہید جب کہ 16 زخمی ہوئے ہیں جن میں سے 2 کی حالت تشویشناک ہے۔ریسکیو ذرائع کے مطابق دھماکے کے بعد زخمیوں اور لاشوں کو اسپتال منتقل کردیا گیا ہے۔

ترجمان بلوچستان حکومت شاہدرند کے مطابق دھماکا مستونگ کےعلاقے کنڈ مسوری کے قریب ہوا ہے جہاں آر ٹی سی قلات سے پولیس اہلکاروں کو لے جانے والے ٹرک پر آئی ای ڈی دھماکاکیاگیا۔شاہد رند کے مطابق بولان میڈیکل کمپلیکس اسپتال اور سول اسپتال میں ایمرجنسی نافذ کردی گئی ہے جب کہ مستونگ دھماکے کےزخمیوں کو کوئٹہ منتقل کیا جارہا ہے۔

وزیر اعلیٰ بلوچستان سرفراز بگٹی کی دھماکےکی مذمت کی اور زخمیوں کو بہتر طبی امداد کی فراہمی کی ہدایت کی ہے۔

سرفراز بگٹی نے کہاکہ زخمیوں کے علاج معالجے میں کوئی غفلت برداشت نہیں کی جائےگی، حکومت بلوچستان شہداء کے شانہ بشانہ کھڑی ہوگی۔