مری‘با اثرمافیا سرکاری زمینوں پر قبضہ کرنے میں مصروف

مری(نمائندہ پنڈی پوسٹ) ایکسپریس وے مری موضع مانگا میں ڈیم ویلی سوسائٹی کی طرف سے سپریم کورٹ کے احکامات کو پس پشت ڈالتے ہوئے شہر اقتدار کے باسیوں کے لیئے خطرہ بن گئی ایک ڈاکٹر کی جانب سے ہاؤسنگ سوسائٹی بنانے کے لیے جنگلات کی گزارہ کی شاملاتی زمین پر مشینیں دن دیہاڑے پہاڑ کاٹنے میں مصروف ہیں جسکے باعث مٹی نالہ کورنگ سے ہوتی ہوئی راول ڈیم میں جارہی ہے، جس سے آنے والے وقت میں اسلام آباد کے مکینوں کو مشکلات کا سامنا کرنا پڑ سکتا ہے۔محکمہ جنگلات،ماحولیات اور مری انتظامیہ خصوصاً اے سی مری سپریم کورٹ کے احکامات کو روندنے والے مذکورہ ڈاکٹر کی ہاؤسنگ سوسائٹی کا کام روکنے میں ناکام نظر آ رہی ہے۔ نیشنل پارک ڈکلیئرہونے والی جگہ سے دھڑلے سے ہیوی مشینری سے پہاڑ ختم کئے جارہے ہیں اوربارشوں سے ٹنوں کے حساب سے مٹی نالہ کورنگ کے راستہ راول ڈیم میں جانے سے آبی حیات کی زندگیاں بھی خطرہ میں ہے۔ماضی میں متعدد بار مری انتظامیہ کے سربراہوں اور مختلف اسسٹنٹ کمشنر وں نے ڈریم ویلی ہاؤسنگ سوسائٹی کے کام روکاجبکہ ایک مرتبہ استغاثہ بھی دینے کے احکامات بھی جاری کئے گئے مگرمذکورہ ڈاکٹر کے اثرورسوخ اوردولت نے اس کیلئے آسانیاں پیداکردی ہیں۔