راولپنڈی وائلڈ لائف ڈیپارٹمنٹ نے جنگلی حیات اور نایاب پرندوں کے غیر قانونی کاروبار خلاف کاروائی میں راولپنڈی کالج روڈ پر پرندوں کی بڑی مارکیٹ میں چھاپہ مار کر بغیر لائسنس پرندے فروخت کرنے والی 3 دکانیں سر بمہر (سیل) کرنے کے ساتھ 3 دکانداروں کے خلاف وائلڈ لائف ایکٹ کے تحت مقدمہ درج کروا دیا جبکہ بٹیر اور اور عقاب کے شکار پر ایف آئی آر کے اندراج اور گرفتاریوں کا اعلان کر دیا
ترجمان وائلڈ لائف کے مطابق چھاپے کے دوران متعدد پرندے قبضے میں لئے گئے وائلڈ لائف حکام نے خبردار کیا ہے کہ شہری غیر قانونی پرندوں کی خرید و فروخت سے گریز کریں ادھر وائلڈ لائف رینجرز نے بٹیر اور اور عقاب کے شکار پر ایف آئی آر درج کرنے کا فیصلہ کیا ہے اس مقصد کے لئے راولپنڈی، گوجر خان، کلرسیداں، کہوٹہ اور ٹیکسلا میں غیر قانونی شکار روکنے کے لئے چھاپہ مار ٹیمیں تشکیل دے دی گئی ہیں
وائلڈ لائف ذرائع کے مطابق راولپنڈی میں گوجرخان، کہوٹہ کلرسیداں میں بٹیر پائے جاتے ہیں جبکہ دریائے سواں چکری کے علاقے میں عقاب پایا جاتا ہے لائسنس رکھنے والے اسلحہ کے حامل افراد کو صرف بٹیر کے شکار کے 3 پرمٹ دیئے جائیں گے جبکہ کے شکار پر مکمل پابندی عائد ہے جس کا کسی قسم کا پرمٹ جاری نہیں کیا جائے گا ترجمان کے مطابق راولپنڈی میں بٹیر کا سیزن 15 اگست اور عقاب کا سیزن 13 ستمبر سے شروع ہوگا جو 15 اپریل تک جاری رہتا ہے۔
