ماڈرن ایج کیپیٹل کیمپس میں ْمعرکۂ حق کے بعد کا پاکستانٗ کے موضوع پر فکر انگیز مکالماتی نشست کا اہتمام۔
ماڈرن ایج فورم اسلام آباد کے زیر اہتمام 23 اگست بروز ہفتہ، ماڈرن ایج پبلک اسکول و کالج (کیپٹل کیمپس) اسلام آباد میں ایک مکالماتی نشست کا انعقاد کیا گیا، جس کا موضوع معرکہ حق کے بعد کا پاکستان تھا۔ اس نشست میں شرکا نے بصیرت افروز گفت گو کی اور نئے زاویوں سے موجودہ پاکستان کے سیاسی، سماجی، عسکری اور معاشی حالات کو سمجھنے کی کوشش کی۔
نشست کے آغاز میں ماڈرن ایج کے پرنسپل جناب عبدالواحد میر نے موضوع کا تعارف کرواتے ہوئے آپریشن بنیان المرصوص میں پاکستان آرمی کی پیشہ ورانہ مہارت، جدید جنگی تقاضوں کے مطابق منصوبہ بندی اور تکنیکی صلاحیت کا مفصل تجزیہ کیا۔ جناب عبدالواحد میر نے اس جنگ میں پاکستان کی شان دار کارکردگی کے ملک اور خطے پر پڑنے والے اثرات سے متعلق شریک معزز مہمانوں سے باری باری سوالات کیے جن کے جواب میں شرکا نے سماجی، سیاسی اور اقتصادی زاویوں سمیت کئی پہلوؤں سے موضوع کا تجزیہ کیا۔
مکالمے کے معزز شرکا میں جناب طاہر قربان (جوائنٹ سیکرٹری ریٹائرڈ)، جناب ڈاکٹر محمود الحسن، جناب ڈاکٹر مراد علی، جناب فخر عباس خان، بیگم و ائیر کموڈور جناب اشعر احسان، جناب حارث حفیظ، محترمہ نوشی ملک، گروپ کیپٹن جناب رحم کرم (ریٹائرڈ) ، وارنٹ آفیسر جناب شبیر حسین ( ریٹائرڈ) اور جناب وشال اسد شامل تھے۔
