راولپنڈی (رپورٹر سید قاسم)لیفٹیننٹ جنرل محمد فیض الرحمن، کوارٹر ماسٹر جنرل، بنگلہ دیشی فوج نے جنرل ساحر شمشاد مرزا، NI,NI (M)، چیئرمین جوائنٹ چیفس آف اسٹاف کمیٹی (CJCSC) سے جوائنٹ اسٹاف ہیڈ کوارٹرز راولپنڈی میں ملاقات کی۔
ملاقات کے دوران، دونوں فریقین نے خطے میں موجودہ سیکیورٹی ماحول پر تبادلہ خیال کیا اور دفاع اور سیکیورٹی کے شعبے میں موجودہ تعاون کو بڑھانے کے لیے مشترکہ عزم پر زور دیا۔ چیئرمین جے سی ایس سی نے دونوں ممالک کے درمیان دوطرفہ تعلقات کی بڑھتی ہوئی رفتار پر روشنی ڈالی اور دفاعی تعاون کی نئی راہوں کی نشاندہی کی۔
معزز مہمان نے پاکستان کی مسلح افواج کی پیشہ وارانہ مہارت کو سراہا اور دہشت گردی کے خلاف جنگ میں ان کی قربانیوں کا اعتراف کیا۔
