سری لنکا میں طوفان “دتوا” سے متاثرہ علاقوں کیلئے پاکستان کی امدادی کارروائیاں تیز — وزیراعظم کی متعلقہ اداروں کو مکمل معاونت کی ہدایت

پاکستان نے سری لنکا میں سمندری طوفان “دتوا” سے متاثرہ علاقوں میں ریسکیو اور ریلیف آپریشن مزید تیز کر دیے ہیں۔ اربن سرچ اینڈ ریسکیو ٹیم کی فوری روانگی، بحری جہاز کے ذریعے امدادی سامان کی ترسیل اور پاک بحریہ کے جہاز “سیف” کی فعال کارروائیاں اس بات کی عکاس ہیں کہ پاکستان خطے میں انسانی ہمدردی کی بنیاد پر کردار ادا کرنے کیلئے پرعزم ہے۔ پاک بحریہ کے ہیلی کاپٹر کی جانب سے پانچ روز سے پھنسے خاندان کی بازیابی اس تعاون کی بہترین مثال ہے۔