طاقتور زلزلے سے تباہی،افغانستان میں کئی گاؤں صفحہ ہستی سے مٹ گئے

اسلام آباد (نمائندہ پنڈی پوسٹ)افغانستان میں طاقتور زلزلے سے مزید تباہی ، کئی دیہات ملیامیٹ ، ہلاکتوں کی تعداد 500 ہو گئی افغانستان میں گزشتہ رات آنے والے طاقتور زلزلے سے بڑی تباہی ، کئی گائوں صفحہ ہستی سے مٹ گئے ، ہلاکتوں کی تعداد 500 تک پہنچ گئی جبکہ ایک ہزار سے زائد زخمی ہیں۔افغان میڈیا کے مطابق زلزلے سے زیادہ نقصان ننگرہار اور کنڑ میں ہوا ، ضلع نورگل کے کئی دیہات ملیا میٹ ہو چکے ہیں ، اموات نورگل، سواکئی، واٹاپور، منوگی اور چپہ درہ اضلاع میں ہوئیں جبکہ سیکڑوں لوگوں کے ملبے تلے دبنے کا خدشہ ظاہر کیا جا رہا ہے۔

افغانستان میں طاقتور زلزلے سے مزید تباہی ، کئی دیہات ملیامیٹ ، ہلاکتوں کی تعداد 500 ہو گئی افغانستان میں گزشتہ رات آنے والے طاقتور زلزلے سے بڑی تباہی ، کئی گائوں صفحہ ہستی سے مٹ گئے ، ہلاکتوں کی تعداد 500 تک پہنچ گئی جبکہ ایک ہزار سے زائد زخمی ہیں۔افغان میڈیا کے مطابق زلزلے سے زیادہ نقصان ننگرہار اور کنڑ میں ہوا ، ضلع نورگل کے کئی دیہات ملیا میٹ ہو چکے ہیں ، اموات نورگل، سواکئی، واٹاپور، منوگی اور چپہ درہ اضلاع میں ہوئیں جبکہ سیکڑوں لوگوں کے ملبے تلے دبنے کا خدشہ ظاہر کیا جا رہا ہے۔حکام کا کہنا ہے کہ ہلاکتوں اور زخمیوں کی تعداد حتمی نہیں، کیونکہ دور دراز علاقوں کے مکینوں سے رابطے کا سلسلہ ابھی جاری ہے، ان اضلاع میں امدادی کارروائیاں بھی جاری ہیں۔

افغان حکومت کے ترجمان ذبیح اللہ مجاہد نے زلزلے کے باعث جانی و مالی نقصان کی تصدیق کرتے ہوئے کہا ہے کہ مقامی حکام اور علاقہ مکین متاثرہ افراد کے ساتھ امدادی سرگرمیوں میں مصروف رہے، مرکز اور قریبی صوبوں سے امدادی ٹیمیں متاثرہ علاقوں میں روانہ کر دی گئی ہیں۔واضح رہے گزشتہ رات آنے والے زلزلے کی شدت 6.2 تھی، جس کا مرکز صوبے ننگرہار کے شہر جلال آباد کے قریب اور گہرائی 8 کلو میٹر تھی۔افغانستان میں زلزلے کے بعد اسلام آباد اور لاہور سمیت ملک کے مختلف شہروں میں بھی زلزلے کے جھٹکے محسوس کئے گئے تھے۔