ضلع مری میں شدید بارش کے باوجود عید میلاد النبیؐ کا مرکزی جلوس جامع مسجد غوثیہ سے نکالا گیا ہزاروں کی شرکت۔

مری(اویس الحق سے)ملک بھر کی طرح ملکہ کوہسار مری میں شدید بارش کے باوجود بھی سخت ترین سیکورٹی انتظامات میں عید میلاد النبیؐ انتہائی جوش و جزبے سے ساتھ منایا گیا۔

مرکزی جلوس مرکزی جامع مسجد غوثیہ کارٹ روڈ سے خراب موسم اور شدید طوفانی بارش کے باوجود مرکزی میلاد کمیٹی کے زیر اہتمام نکالا گیا۔جس کی قیادت اتحاد بین المسلمین پاکستان کے مرکزی صدد وفاء الحق بخاری،خطیب مرکزی جامع مسجد غوثیہ علامہ تسنیم سلطان چشتی،ارشد محمود عباسی آف پوٹھہ شریف,امجد ارباب عباسی،شفیق الرحمان ہاشمی سمیت دیگر نے کی۔جلوس اپنے مقررہ راستوں سے ہوتا ہوا مری کے مشہور لوئر بازار پہنچا جہاں عاشقان رسولؐ کی بڑی تعداد پہلے سے مرکزی جلوس کے استقبال کےلئے موجود تھے جہاں وفاء الحق بخاری نے ملک کی سلامتی و بقاء کے سلسلے میں خصوصی دعا کروائی۔

جامع مسجد غوثیہ کارٹ روڈ سے نکالے جانے والا مرکزی جلوس لوئر بازار سے ہوتا ہوا صدیق چوک اور اپنی منزل میلاد النبیؐ چوک پہنچا جہاں مری شہر سمیت مضافاتی علاقوں خصوصاً یونین کونسل پوٹھہ شریف سے ارشاد محمود عباسی جبکہ پھگواڑی،کشمیری بازار علیوٹ، دانوئ بیر گراں، گھوئ سہربگلہ، کاسیری، نمبل ستال بروری،چٹہ موڑ لوئر بازار مری مدینہ مسجد کشمیر پوائنٹ ودیگر علاقوں سے غلامان مصطفیٰؐ کی جانب سے چھوٹے بڑے جلوس جوق در جوق مرکزی جلوس میں شامل ہوتے رہے۔

مرکزی جلوس کی میلاد چوک آمد کے بعد سیرت النبیؐ کانفرنس کا انعقاد کیا گیا اور رسول اللہ کی عظمت بھری زندگی پر روشنی ڈالی گئی۔سیرت النبیؐ کانفرنس میں ڈی پی او آصف امین اعوان،ڈی،سی مری ظہیر عباسی شیرازی سمیت ضلغ کے مختلف افسران نے میلاد النبیؐ کانفرنس میں بھرپور شرکت کی۔

سیرت المبیؐ کانفرنس کی تقریب کے اختتام پر ملک کی سلامتی و بقاء خصوصاً مفتی کوہسار حضرت علامہ مفتی عبدالرزاق چشتی مرحوم اور ممتاز عالم دین علامہ حافظ میاں محمد جانی مرحوم جن دونوں شخصیات کا حال ہی میں انتقال ہوا کی ملکہ کوہسار کےلئے خدمات اور قربانیوں کو شاندار انفاظ میں خراج عقیدت پیش کرتے ہوئے مرحومین کی مغفرت،درجات کی بلندی اور لواحقین کےلئے صبر جمیل کی دعا کی اور ان کے مشن کو جاری رکھنے کا عہد کیاگیا۔

سیرت النبیؐ کانفرنس کے بعد شمع رسالت اور عاشقان رسولؐ کی ایک بہت بڑی تعداد مال روڈ سے ہوتے ہوئے دوبارہ سے اپنے منزل مرکزی جامع مسجد غوثیہ پہنچے جہاں مرکزی میلاد النبیؐ کا جلوس اختتام پزیر ہو گیا اور شرکاء میں لنگر بھی تقسیم کیا گیا۔