شاہ محمود قریشی کو دل میں تکلیف،جیل سے پی آئی سی منتقل

لاہور(نمائندہ پنڈی پوسٹ)پاکستان تحریکِ انصاف کے سینئر رہنما شاہ محمود قریشی کو دل میں تکلیف کے باعث فجر کے وقت جیل سے پنجاب انسٹیٹیوٹ آف کارڈیالوجی (پی آئی سی) منتقل کر دیا گیا۔

پی ٹی آئی رہنما کے وکیل رانا مدثر ایڈووکیٹ کے مطابق، طبیعت بگڑنے پر شاہ محمود قریشی کو ریسکیو 1122 کی مدد سے فوری طور پر اسپتال منتقل کیا گیا، جہاں ان کے مختلف میڈیکل ٹیسٹ کیے جا رہے ہیں۔ جیل انتظامیہ کی جانب سے قریشی کے اہل خانہ کو بھی صورتحال سے آگاہ کر دیا گیا ہے۔

واضح رہے کہ شاہ محمود قریشی مختلف مقدمات کے باعث اس وقت جیل میں قید ہیں۔