راولپنڈی(نمائندہ پنڈی پوسٹ)تھانہ بنی پولیس کی کاروائی، سٹریٹ کرائم اور موٹرسائیکل چوری کی وارداتوں میں ملوث بلال گینگ کے 03 ملزمان گرفتار، مسروقہ 05موٹرسائیکل
، چھینے گئے موبائل فون کی فروخت سے حاصل ہونے والی رقم 39ہزار500روپے برآمد، ملزمان سے وارداتوں میں استعمال ہونے والا اسلحہ بھی برآمد ہوا۔
تفصیلات کے مطابق تھانہ بنی پولیس نے کاروائی کرتے ہوئے سٹریٹ کرائم اور موٹرسائیکل چوری کی وارداتوں میں ملوث بلال گینگ کے 03ملزمان کوگرفتار کرلیا،گرفتار ملزمان میں بلال، عبداللہ اور اسد شامل ہیں،
ملزمان سے مسروقہ05موٹرسائیکل اور چھینے گئے موبائل فون کی فروخت سے حاصل ہونے والی رقم 39ہزار 500روپے برآمدہوئے، ملزمان سے وارداتوں میں استعمال ہونے والا اسلحہ بھی برآمد ہوا،
ملزمان کے دیگر سہولت کاروں کو بھی گرفتار کیا جائے گا، ایس پی راول محمد حسیب راجہ کا کہنا تھاکہ سٹریٹ کرائم اور موٹرسائیکل چوری کی روک تھام کے لیے تمام وسائل بروئے کارلائے جارہے ہیں۔
