سماہنی کے نواحی علاقے پونا دبل میں ایک دلخراش واقعہ پیش آیا، جہاں مقامی تاجر مولوی محمد خورشید کے دو معصوم پوتے، عیسیٰ اور موسیٰ، نہاتے ہوئے قریبی نالے میں ڈوب کر جاں بحق ہو گئے۔ دونوں بچے ولیم خورشید کے صاحبزادے تھے۔
عینی شاہدین کے مطابق حادثہ اس وقت پیش آیا جب بچے معمول کے مطابق گرمی سے بچنے کے لیے نالے میں نہا رہے تھے، تاہم پانی کے تیز بہاؤ یا گہرائی کے باعث وہ باہر نہ نکل سکے۔ واقعے کی اطلاع ملتے ہی اہلِ علاقہ بڑی تعداد میں موقع پر پہنچ گئے، مگر بچوں کی جان نہ بچائی جا سکی۔
اس اچانک سانحے نے پورے خاندان کو شدید صدمے سے دوچار کر دیا ہے، جبکہ علاقے کی فضا سوگوار ہے۔ ہر آنکھ اشکبار ہے اور اہلِ علاقہ غم زدہ خاندان سے اظہارِ تعزیت کر رہے ہیں۔
