سعودی عرب نے اٹھارہ ہزار عمرہ ٹریول ایجنسیوں کے لائسنس معطل کر دیے

سعودی عرب کی وزارتِ حج و عمرہ نے کارکردگی اور خدمات کے مطلوبہ معیار پر پورا نہ اترنے پر 1,800 غیر ملکی عمرہ ٹریول ایجنسیوں کے ساتھ معاہدے معطل کر دیے ہیں۔ وزارت کے مطابق یہ اقدام عمرہ شعبے میں کام کرنے والی تقریباً 5,800 ایجنسیوں میں سے ایک بڑے حصے کو متاثر کرتا ہے۔

وزارت نے واضح کیا ہے کہ یہ معطلی صرف نئے عمرہ ویزوں کے اجرا تک محدود ہے، جبکہ جن زائرین کے پاس پہلے سے ویزے یا بکنگ موجود ہیں، وہ اس فیصلے سے متاثر نہیں ہوں گے۔

متاثرہ ایجنسیوں کو 10 دن کی مہلت دی گئی ہے تاکہ وہ اپنی خامیوں کو دور کر سکیں۔ مقررہ مدت کے بعد معیار پر پورا اترنے والی ایجنسیوں کے معاہدے بحال کیے جا سکتے ہیں، جبکہ ناکام ایجنسیوں کے خلاف مزید کارروائی عمل میں لائی جائے گی۔

وزارتِ حج و عمرہ کا کہنا ہے کہ زائرین کے حقوق کے تحفظ اور شعبے پر اعتماد کو یقینی بنانے کے لیے مانیٹرنگ کا نظام مزید سخت کیا جا رہا ہے۔