سرگودھا:ممبر قومی اسمبلی سردار مقداد خان بلوچ کے والد سابق ایم این اے سردار محمد شفقت حیات خان بلوچ مرحوم کی قل خوانی ساہی وال میں ادا کردی گئی

سرگودھا(شکیل خان سے)ممبر قومی اسمبلی سردار مقداد خان بلوچ کے والد سابق ایم این اے سردار محمد شفقت حیات خان بلوچ مرحوم کی قل خوانی ساہی وال میں ادا کردی گئی اس موقع پر مرحوم کے ایصال ثواب کے لیے قرآن خوانی اور دعائے مغفرت کی گئی جبکہ علماء کرام نے فلسفہ موت پر اظہار خیال کیا رسم قل خوانی میں شرکت کرنے والی اہم شخصیات میں پاکستان تحریک انصاف کے سینئر راہنما نعیم حیدر پنجوتھہ مسلم لیگ ن کے ممبران قومی اسمبلی ملک شاکر بشیر اعوان چوہدری ناصر بوسال صوبائی پارلیمانی سیکرٹری سردار عاصم شیر میکن صوبائی پارلیمانی سیکرٹری بیرسٹر تیمور خان بلوچ

سابق پارلیمانی سیکرٹری صاحبزادہ نظام الدین سیالوی سابق ایم پی اے چوہدری افتخار گوندل سابق ایم پی اے غلام علی اصغر خان لاہڑی پیپلز پارٹی راہنما تیمور خان پٹھان ڈویژنل انفارمیشن سیکرٹری مسلم لیگ ن طارق محمود قاسمی ڈویژنل نائب صدر مہر محمد عثمان سابق امیدوار یوسی چیئرمین چوہدری محمد حیات چاوڑا سابق ناظم مہدی حسن شاہ سمیت سیاسی سماجی شخصیات معززین علاقہ اور عوام کی بڑی تعداد نے شرکت کی

مرحوم کی رسم قل کے موقعہ پر پروفیسر عابس حسین عابدی مرحوم کے بیٹے ایم این اے مقداد علی بلوچ بہنوئی ریٹائرڈ لیفٹیننٹ جنرل چراغ حیدر خان،سابق چیئرمین ساہیوال سردار انور حیات بلوچ،ضیغم حسن بلوچ سردار احمد بلوچ و دیگر نے خیالات کا اظہار کیا اس موقع پر سیکورٹی کے حفاظتی اقدامات بھی کیے گئے تھے رسم قل میں شرکت کرنیوالوں نے مرحوم سردار شفقت حیات بلوچ کے لیے مغفرت کی دعا کرتے ہوئے مرحوم کے لواحقین کے لیے صبروجمیل کی دعا کی۔