سکوٹ(راجہ انوار الحق‘نمائندہ پنڈی پوسٹ) پارلیمانی سیکرٹری جیل خانہ جات اور پی پی سات سے پی ٹی آئی کے رکن صوبائی اسمبلی راجہ صغیر احمد کی سفارش پر ٹوٹ پھوٹ کا شکار سداکمال تا مٹور سڑک کی مرمت کے لیے 51 لاکھ روپے کی گرانٹ جاری کر دی گئی محکمہ ہائی وے کی جانب سے ٹینڈر جاری کر دیا گیا ہے، اہل علاقہ نے سڑک کی مرمت کا ٹینڈر ہو نے پر وزیر اعلیٰ پنجاب عثمان بزدار اور راجہ صغیر احمد کا شکریہ ادا کر تے ہو ئے راجہ صغیر احمد ایم پی اے سے مطالبہ کیا کہ وہ اپنی زیر نگرانی سڑک کی مرمت کروائیں کیونکہ مذکورہ سڑک کی دوبار پہلے بھی مرمت ہو چکی ہے لیکن محض ٹاکیاں لگا کر ٹرخا دیا جاتا ہے جس سے سڑک چند مہینوں بعد ہی ٹوٹ پھوٹ کا شکار ہو جاتی ہے اور قومی سرمایہ کھوہ کھاتے چلا جاتا ہے
267
