روات بدنام زمانہ منشیات فروش راجہ واحد پولیس مقابلے میں ہلاک

راولپنڈی(آصف شاہ/کرائم رپورٹر)راولپنڈی تھانہ روات پولیس اسٹیشن کی حدود میں پولیس کارروائی کے دوران بدنام زمانہ منشیات فروش راجہ واحد عرف وحدی فائرنگ کے تبادلے میں ہلاک ہو گیا۔

ذرائع کے مطابق روات پولیس نے راجہ واحد کو گرفتار کرنے کے لیے ٹارگٹڈ کارروائی کی، اس دوران ملزمان نے پولیس پر فائرنگ کرتے ہوئے فرار ہونے کی کوشش کی پولیس نے تعاقب کرتے ہوئے تین افراد کو جائے وقوعہ سے کچھ فاصلے پر زخمی حالت میں پایا۔ ان میں سے ایک کی شناخت راجہ واحدعرف واحدی کےنام سے ہوئی جو مبینہ طور پر اپنے ساتھیوں کی فائرنگ سے زخموں کی تاب نہ لاتے ہوئے دم توڑ گیا۔

دیگر دو زخمی ملزمان کو حراست میں لے کر ابتدائی طبی امداد کے لیے اسپتال منتقل کر دیا گیا ہےپولیس ذرائع نے تصدیق کی ہے کہ ہلاک ہونے والا واحدمتعدد منشیات کے مقدمات میں ملوث رہا ہے اور ہر بار جیل سے رہائی کے بعد دوبارہ منشیات فروشی کا دھندہ شروع کر دیتا تھا

سٹی پولیس آفیسر  راولپنڈی نے ایس پی صدر، ایس ایچ او راوت اور پولیس ٹیموں کو بروقت اور بہادری سے کارروائی کرنے پر خراج تحسین پیش کیا۔ مقامی افراد نے راجہ واحدکی ہلاکت پر اطمینان کا اظہار کرتے ہوئے ایس ایچ او روات اور راولپنڈی پولیس کی جرائم کے خلاف کارروائیوں کو سراہا۔