روات:اینٹی کرپشن کا چھاپہ، اراضی ریکارڈ سینٹر کا افسر گرفتار

اینٹی کرپشن نے اراضی ریکارڈ سینٹر پر چھاپہ مار کر رشوت میں لئے گئے لاکھوں روپے برآمد کرکے سروس سینٹر ایک آفیشل گرفتار کر لیا، ڈی جی اینٹی کرپشن پنجاب کے مطابق اراضی ریکارڈ سینٹر روات پر اینٹی کرپشن حکام نے چھاپہ مارا،جس پر سروس سینٹر آفیشل SCO کو 50ہزار رشوت لیتے رنگے ہاتھوں گرفتار کر لیا گیا، ملزم اختر حسین ایس سی او سے نشان زدہ نوٹ برآمد کر لئے گئے، چھاپے کے دوران سینٹر سے دو لاکھ اکیاسی ہزار کی مشکوک رقم بھی برآمد ہوئی ،ملزم کے خلاف تھانہ اینٹی کرپشن میں مقدمہ درج کر لیا گیا، اراضی ریکارڈ سینٹر پر جوڈیشل مجسٹریٹ کی موجودگی میں سرکل آفیسر راولپنڈی زاہد ظہور نے چھاپہ مارا۔