راولپنڈی(نمائندہ پنڈی پوسٹ)پی ڈی ڈبلیو پی نے رنگ روڈ منصوبے کے لیے پی سی ون میں 24 بلئین کی رقم منظور کرلی ہے۔ کمشنر راولپنڈی ڈویژن سید گلزار حسین شاہ نے آج میڈیا سے گفتگو کرتے ہوئے بتایا کہ راولپنڈی رنگ روڈ کے منصوبے کو عملی جامہ پہنانے کا کام بہت تیزی سے کیا جا رہا ہے اور اس سلسلے میں پی سی ون کے لئے 24 ملین کی رقم پی ڈی ڈبلیو پی نے منظور کر لی ہے جس کے تحت 38.3کلو میٹر کا مین کیرج بنایا جائے گا اس منصوبے کا آغاز این 5 جی ٹی روڈ بانتھ تا ٹھلیاں انٹرچینج تک کیا جائے گا اور رنگ روڈ منصوبہ موٹروے اسٹینڈرڈ کے مطابق 3+3 لینزپر مشتمل دوریہ کیرج وے بنایا جائے گاجس پر تمام گاڑیاں 120 کی رفتار سے چلیں گیانہوں نے مزید بتایا کہ راولپنڈی رنگ روڈ پانچ انٹرچینج پر مشتمل ہوگی جو چک بیلی روڈ، اڈیالہ روڈ اور چکری روڈ سے گزرے گی۔
