راولپنڈی کے شہریوں کیلئے سہولت ایپ کا آغاز

راولپنڈی (نمائندہ پنڈی پوسٹ) خدمت آپ کی دہلیز پر کے نام سے متعارف کرائی گئی ایپ اور پنجاب میں شروع کیے جانے والے صحت و صفائی کے خصوصی پروگرام پر عمل درآمد کے لئے تیاریاں زور و شور کے ساتھ شروع ہو گئی ہیں۔ ایم ڈی راولپنڈی ویسٹ مینجمنٹ کمپنی اویس منظور طارق نے بتایا کہ اس پروگرام کے تحت راولپنڈی میں شہریوں کو خصوصی ایپ کی سہولت حاصل ہوگی اور وہ اپنے علاقے گلی محلے اور کہیں بھی گندگی اور آلودگی کی شکایت بذریعہ ایپ منظر عام پر لا سکیں گے جس پر فوری کاروائی کرکے شہریوں کا مسئلہ بلاتاخیر حل کیا جائے گا۔ وزیر اعلی پنجاب سردار عثمان بزدار کے اس پروگرام کے تحت صحیح معنوں میں خدمت عوام کی دہلیز تک پہنچ گئی ہے اور کسی درخواست یا فون کے بغیر محض ایک کلک سے عوامی مسائل فوری طور پر حل ہوں گے۔ اللہ پاک سب کے لئے راولپنڈی ویسٹ مینجمنٹ کمپنی بھرپور تیاری میں ہے اور کمپنی کا فیلڈ مینجمنٹ سٹاف راولپنڈی کے مختلف علاقوں میں موجود رہ کر صرف ایک اعلیٰ معیار یقینی بنائے گا اور اس ضمن میں عوامی شکایات پر بلاتاخیر کاروائی کی جائے گی۔