اسلام آباد(نیوزڈیسک) سابق مشیرPIMF و ممبر ورلڈ کالمسٹ کونسل راجہ شاھد رشید نے CM پنجاب محترمہ مریم نواز سے اپیل کرتے ہوئے کہا کہ پولیس کا کام رشوت لینا نہیں بلکہ غریب عوام کو تحفظ دینا ہوتا ہے جو نہیں دیا جاتا، خدارا پولیس کو درست کیا جائے تاکہ سماج درست ہو، ضرورت اس امر کی ہے کہ CM صاحبہ پولیس اصلاحات لاٸیں از سر نو پولیس کو منظم اور متحرک کریں۔
چیئرمین ادب اکادمی پٹھوار اور ملک کے ممتاز دانشور، کالم نگار راجہ شاہد رشید نے میڈیا کے نمائندوں سے گفتگو کرتے ہوئے کہا کہ گزشتہ رات سکستھ روڈ راولپنڈی، وویمن یونیورسٹی PTCL گلی نزد حیا ہاسٹل سیونتھ روڈ پر ڈکیتی کی انوکھی واردات ہوٸی جہاں مقامی پولیس نے موقع پر پہنچنے سے انکار کر دیا اور ڈکیت یہاں تک کہہ گۓ کہ FIR کا ہمیں کوئی ڈر نہیں ہم پولیس کو منتھلی دیتے ہیں۔ بر وقت 15 پر اطلاع ہونے کے باوجود پولیس پہلے انکار کرتی رہی اور پھر دو گھنٹے لیٹ جاۓ واردات پہ پہنچی۔
انہوں نے کہا کہ CPO راولپنڈی فوری نوٹس لیں میرا بیٹا لاءسٹوڈنٹ راجہ انضمام شاہد اپنے کلاس فیلو سبحان عتیق کی گاڑی خراب ہونے کی صورت میں اس کی مدد کے لیے وہاں گیا تھا کہ اچانک ایک موٹر سائیکل پہ سوار 3 لڑکے ہاتھوں میں پِسٹل اٹھائے وہاں آگئے اور ان طلبہ سے دو موبائل دو بٹوے جن میں ایک لاکھ 32 ہزارکیش ، 100 کنییڈین ڈالرز، اے ٹی ایم، آئی ڈی کارڈز ، گاڑی AFA 379 کا رجسٹریشن کارڈ اور چابی لے کر فرار ہو گئے۔
ایک گاڑی تو پہلے ہی خراب تھی دوسری کی چابی ڈکیت لے گئے موبائل تک نہ رہے لیکن ٹریفک پولیس نے لفٹر تک نہ دیا ۔ طلبہ اسی کشمکش میں وہاں کھڑے تھے کہ رات تین بجے وہی ڈکیت دوبارہ آگئے مگر اب یہ پانچ لوگ تھے شاید اس لیے وہ واپس چلے گئے۔ اتنا کچھ ہوا مگر ہماری پولیس سوئی رہی یہ کیا اندھیر نگری ہے۔؟
