راولپنڈی (حماد چوہدری)سی پی او راولپنڈی سید خالد ہمدانی کی ہدایت پر منشیات کے خلاف جاری کریک ڈاؤن کے تحت تھانہ چکلالہ پولیس نے کامیاب کارروائی کرتے ہوئے شراب اسمگلنگ کی کوشش ناکام بنا دی۔تفصیلات کے مطابق، پولیس نے مشتبہ گاڑی نمبر AJZ-497 کو روک کر تلاشی لی، جس کے دوران ملزم شیراز گل کے قبضے سے 24 عدد بڑی بوتلیں ولایتی شراب برآمد ہوئیں۔ پولیس نے ملزم کو موقع پر گرفتار کر کے اس کے خلاف تھانہ چکلالہ میں مقدمہ درج کر لیا ہے۔سی پی او راولپنڈی سید خالد ہمدانی نے کہا ہے کہ منشیات جیسے ناسور کے خاتمے کے لیے تمام تر ممکنہ اقدامات بروئے کار لائے جا رہے ہیں، اور منشیات فروشوں کے خلاف زیرو ٹالرنس پالیسی پر عمل درآمد جاری ہے۔ترجمان راولپنڈی پولیس کے مطابق شہر کو منشیات سے پاک کرنے کے لیے سرچ آپریشنز اور انٹیلی جنس بیسڈ کارروائیاں مزید تیز کر دی گئی ہیں۔
