راولپنڈی (نمائندہ پنڈی پوسٹ) ڈپٹی کمشنر راولپنڈی ڈاکٹر حسن وقار چیمہ نے 12 ربیع الاوّل کے جلوس میں کھانے پینے کی اشیاء فروخت کرنے والے تمام سٹالوں کے لئے محکمہ صحت کا سرٹیفیکیٹ اور مٹھائی کی دکانوں کے لئے ہیلتھ سرٹیفیکیٹ لازمی قرار دے دیا ہے جبکہ جلوس کے راستوں میں میڈیکل کیمپ لگانے اور تمام ہسپتالوں کو کسی بھی ممکنہ ایمرجنسی کے لئے انتظامات مکمل کرنے کی ہدایت کردی ہے یہ ہدایات انہوں نے گزشتہ روز 12 ربیع الاوّل کے انتظامات کے حوالے سے منعقدہ اجلاس میں جاری کیں
اجلاس میں ایڈیشنل ڈپٹی کمشنر جنرل ڈاکٹر حسان طارق، اسسٹنٹ کمشنر سٹی، اسسٹنٹ کمشنر کینٹ کے علاوہ تمام تحصیلوں کے اسسٹنٹ کمشنروں نے بذریعہ ویڈیو لنک شرکت کی اس موقع پر ڈی ایس پی سکیورٹی، سی ٹی ڈی، سیف سٹی، ٹریفک پولیس، میونسپل کارپوریشن، واسا، آر ڈبلیو ایم سی، ریسکیو 1122 اور دیگر متعلقہ محکموں کے افسران بھی موجود تھے ڈپٹی کمشنر نے ہدایت کی کہ تمام محکمے طے شدہ ایس او پیز کے مطابق تیاریوں کو مکمل کریں اور کل تک اپنے سرٹیفیکیٹس جمع کروائیں انہوں نے محکمہ صحت کو خصوصی طور پر ہدایت کی کہ تمام ہسپتالوں میں انتظامات کو حتمی شکل دی جائے اور کمیٹی چوک، بنی چوک، فوارہ چوک، پل نذر شاہ اور دیگر اہم مقامات پر میڈیکل کیمپس قائم کئے جائیں ڈاکٹر حسن وقار چیمہ نے کہا کہ جلوسوں کی فول پروف سکیورٹی کو یقینی بنایا جائے
اس مقصد کے لئے سیف سٹی کیمروں کی تنصیب کے ساتھ ڈرونز کے ذریعے بھی مانیٹرنگ کی جائے گی جبکہ کنٹرول روم کے ذریعے صورتِ حال پر مسلسل نظر رکھی جائے گی انہوں نے واضح کیا کہ کھانے پینے کی اشیاء فروخت کرنے والے تمام اسٹالز کو محکمہ صحت کا سرٹیفیکیٹ حاصل کرنا لازمی ہوگا اور حکومت پنجاب کی ہدایت کے مطابق مٹھائی کی دکانوں کو بھی ہیلتھ سرٹیفیکیٹ فراہم کرنا ہوگا
ڈپٹی کمشنر نے ٹریفک پولیس کو ہدایت کی کہ ٹریفک روٹس اور پارکنگ کے حوالے سے روٹ پلان فوری طور پر جاری کیا جائے تاکہ شہریوں کو آمدورفت میں کسی قسم کی دشواری کا سامنا نہ ہو انہوں نے آر ڈبلیو ایم سی کو احکامات جاری کئے کہ جلوس کے تمام روٹس کو دھو کر صاف کیا جائے اور جلوس کے شرکاء پر عرقِ گلاب کے چھڑکاؤ کے انتظامات بھی مکمل کئے جائیں اجلاس میں تمام تحصیلوں کے اسسٹنٹ کمشنروں نے اپنے علاقوں میں انتظامات کے بارے میں بریفنگ دی ڈپٹی کمشنر نے انتظامات کو مزید مؤثر بنانے کے لئے احکامات جاری کیے اور تمام محکموں کو ذمہ داریوں کی بروقت تکمیل کی ہدایت کی۔
بحریہ ٹاؤن گردہ ٹرانسپلانٹ کیس میں ڈاکٹر منظور حسین کی ھائی کورٹ سے ضمانت ریجیکٹوسیم…
کلر سیداں (یاسر ملک) تھانہ کلر سیداں پولیس نے جعل سازی اور فراڈ کے الزام…
کلر سیداں (یاسر ملک) کلر سیداں پولیس نے بروقت کارروائی کرتے ہوئے دو افراد کو…
راجہ طاہر محموددنیا کی تاریخ گواہ ہے کہ بڑی بڑی تہذیبیں دریاؤں کے کنارے آباد…
کلرسیداں (یاسر ملک) کلرسیداں غیر اعلانیہ بجلی بندش، شہری مشکلات سے دوچار۔تفصیلات کے مطابق کلرسیداں…
راولپنڈی(اویس الحق سے)وارث خان پولیس کی فوری کارروائی,گالم گلوچ سے منع کرنے پر شہری کو…