Categories: اہم خبریں

راولپنـڈی حلقہ پی پی 10 میں سیلاب کی صورتحال سنگین، امدادی کارروائیاں جاری

راولپنڈی (نمائندہ خصوصی) — حلقہ پی پی 10 میں حالیہ شدید بارشوں کے باعث سیلابی صورتحال انتہائی تشویشناک ہو چکی ہے۔ متاثرہ علاقوں میں پانی کی سطح بلند ہونے کے بعد عوام کی حفاظت کے لیے فوری اقدامات کیے گئے ہیں۔

رکنِ صوبائی اسمبلی چوہدری نعیم اعجاز نے صورتحال کا فوری نوٹس لیتے ہوئے وزیر اعلیٰ پنجاب محترمہ مریم نواز شریف کو آگاہ کیا، جس پر وزیر اعلیٰ نے بروقت ایکشن لیتے ہوئے امدادی کارروائیاں شروع کرنے کی ہدایت جاری کی۔ ان احکامات کی روشنی میں سیلاب زدہ علاقوں میں کشتیوں کی فراہمی سمیت ریسکیو اقدامات کا آغاز کر دیا گیا۔

ریسکیو 1122 کی ٹیمیں متحرک ہو چکی ہیں، جبکہ جرار کیمپ کی رضاکار ٹیمیں بھی امدادی سرگرمیوں میں بھرپور حصہ لے رہی ہیں۔ چوہدری نعیم اعجاز خود صبح سویرے اسسٹنٹ کمشنر اور ڈپٹی کمشنر کے ہمراہ موقع پر موجود رہے اور امدادی عمل کی نگرانی کرتے رہے۔

متعدد متاثرہ افراد کو محفوظ مقامات پر منتقل کر دیا گیا ہے، جبکہ مزید افراد کو نکالنے کا عمل تیزی سے جاری ہے۔

اس مشکل گھڑی میں وفاقی وزیر اطلاعات محترمہ مریم اورنگزیب بھی مسلسل چوہدری نعیم اعجاز سے رابطے میں ہیں تاکہ ہر ممکن تعاون کو یقینی بنایا جا سکے۔

چوہدری نعیم اعجاز نے کہا ہے کہ متاثرہ شہریوں کو ہرگز تنہا نہیں چھوڑا جائے گا، اور حکومت پنجاب تمام دستیاب وسائل بروئے کار لا کر عوام کی مدد کو یقینی بنائے گی۔

admin

Recent Posts

مودی کو بتایا پاکستان سے جنگ نہیں ہونی چاہیے،ٹرمپ

امریکا کے صدر ڈونلڈ ٹرمپ نے مودی کو تنبیہ کرتے ہوئے کہا کہ نریندر مودی کو بتادیا…

2 hours ago

سابق چیئرمین تعلیمی بورڈ عدنان خان کے تین سالہ دور کے آڈٹ کا حکم

پنجاب اسمبلی کی سٹیڈنگ کمیٹی برائے ہائیر ایجوکیشن ڈیپارٹمنٹ نے راولپنڈی تعلیمی بورڈ کے سابق…

3 hours ago

حالیہ سیلاب کے باعث آئی،ایم،ایف نے پاکستان کی معیشت پر منفی اثرات پڑنے کا خدشہ ظاہر کردیا۔

اسلام آباد(اویس الحق سے)عالمی مالیاتی ادارہ (آئی ایم ایف) نے پاکستان میں حالیہ سیلاب کے…

15 hours ago

مریم نواز نے موبائل پولیس اسٹیشن اینڈلائسنسنگ یونٹ پراجیکٹ کا باقاعدہ افتتاح کر دیا گیا،ایف آئی آر کے اندراج کی سہولت بھی میسر ہوگی۔

راولپنڈی(اویس الحق سے)وزیراعلیٰ پنجاب مریم نواز نے موبائل پولیس اسٹیشن اینڈ لائسنسنگ یونٹ پراجیکٹ کا…

15 hours ago

اسلام آباد میں خاتون کے ساتھ مبینہ اجتماعی زیادتی دو ملزمان گرفتار.

اسلام آباد(اویس الحق سے)وفاقی دارالحکومت میں قائم نجی شاپنگ مال کے رہائشی اپارٹمنٹ میں خاتون…

15 hours ago

جہلم کے نواحی علاقہ تھانہ ڈومیلی کی حدود سے نومولود بچہ کی لاش برآمد

تھانہ ڈومیلی کے علاقہ پھڈیال کے گاٶں سمبلی راجگان  کے قریب جنگل سے نومولود بچہ…

15 hours ago