راجہ ظفرالحق — اصول پسندی اور وقار کی علامت

راجہ حامد لطیف ستی

راجہ ظفرالحق صاحب پاکستان کی سیاست میں ایک ایسی شخصیت ہیں جنہوں نے ہمیشہ وقار، شرافت اور اصولوں کی سیاست کو اپنی پہچان بنایا۔ وہ ان چند سیاستدانوں میں سے ہیں جن کے کردار پر زمانہ گواہی دیتا ہے کہ سیاست میں بھی دیانت، تحمل اور اخلاقی قدریں زندہ رکھی جا سکتی ہیں۔

ان کا تعلق کہوٹہ کی خوبصورت وادی سے ہے، مگر ان کی فکر اور وژن کی وسعت پورے وطن کو محیط ہے۔ راجہ ظفرالحق صاحب نے ہمیشہ قومی مفاد کو ذاتی مفاد پر ترجیح دی، اور ہر دور میں شائستگی، متانت اور دلیل کے ساتھ اپنی بات پیش کی۔ وہ نہ صرف سیاست کے میدان میں بلکہ اخلاقیات اور اصول پسندی کے سفر میں بھی رہنمائی کا درجہ رکھتے ہیں۔

پاکستان مسلم لیگ (ن) کے سینئر رہنما ہونے کے باوجود انہوں نے کبھی انتقام یا الزام کی سیاست کو فروغ نہیں دیا۔ ان کے لہجے میں نرمی، دل میں اخلاص اور نظریات میں پختگی ہمیشہ نمایاں رہی۔ وہ ایک ایسے سیاستدان ہیں جنہوں نے خدمتِ خلق کو عبادت سمجھا اور اپنے علاقے کے عوام کے لیے ہمیشہ دستیاب رہے

پاکستان کی سیاسی و دینی تاریخ میں راجہ ظفرالحق صاحب کا نام ایک ایسے شخصیت کے طور پر لیا جاتا ہے جنہوں نے ہمیشہ اسلام اور وطنِ عزیز کی خدمت کو اپنی زندگی کا نصب العین بنایا۔ وہ سیاست کو محض اقتدار کا ذریعہ نہیں سمجھتے بلکہ اسے ایک ذمہ داری اور عبادت کے طور پر ادا کرتے ہیں۔

راجہ ظفرالحق صاحب نے اپنی عملی زندگی میں ہمیشہ اسلامی اقدار کے فروغ، امتِ مسلمہ کے اتحاد، اور پاکستان کے اسلامی تشخص کے تحفظ کے لیے بھرپور کردار ادا کیا۔ ان کی سیاست قرآن و سنت کی روشنی میں اعتدال، برداشت، اور اخلاص کا مظہر رہی۔

ان کی قیادت میں اسلامی نظریاتی کونسل میں ایسے اہم امور پر کام ہوا جن سے اسلامی قانون سازی کے راستے مزید روشن ہوئے۔ وہ ہمیشہ اس بات پر زور دیتے رہے کہ پاکستان کا آئین اسلام کے اصولوں کے مطابق ہونا چاہیے اور ریاست کو عدل و انصاف پر قائم ہونا چاہیے۔

بطور سفیرِ پاکستان، راجہ ظفرالحق صاحب نے اسلامی ممالک کی تنظیم (OIC) میں نہ صرف پاکستان بلکہ امتِ مسلمہ کے مفادات کی آواز کو دنیا بھر میں مضبوطی سے پیش کیا۔ ان کی گفتگو میں ہمیشہ شائستگی، بصیرت اور دین کی روح جھلکتی رہی۔

راجہ صاحب نے ہمیشہ نوجوان نسل کو اس بات کی تلقین کی کہ وہ اپنی شناخت اسلام اور پاکستان کے نظریاتی تشخص سے وابستہ رکھیں، کیونکہ یہی ہماری اصل طاقت ہے۔

ان کی پوری زندگی ایک پیغام ہے —
کہ اگر نیت میں اخلاص ہو، تو اقتدار نہیں بلکہ اسلامی خدمت اور اخلاقی وقار انسان کی پہچان بن جاتا ہے