دھمیال کے علاقہ میں پولیس مقابلہ ،ایک ڈاکو ہلاک

راولپنڈی(نمائندہ پنڈی پوسٹ)تھانہ دھمیال کے علاقہ میں رات پولیس مقابلہ ،فائرنگ سے ایک ڈاکو ہلاک دو موقع سےفرار ہو گئے

تفصیلات کے مطابق راولپنڈی میں گاڑیاں چھیننے والے گروہ کے خلاف تھانہ دھمیال پولیس نے بروقت ایکشن لیتے ہوئے

موقع پر ریڈ کیا ، اس دوران ایک ڈاکو فائرنگ سے ہلاک ہو گیا جبکہ دو موقع سے فرار ہو گئے ،ڈاکوؤں سے چھیننی گئی کرولا کار بھی برآمد کر لی گئی

۔پولیس کے مطابق ہلاک کار سنیچر کی شناخت گلزار کے نام سے ہوئی جو کار و موٹر سائیکل چوری کے مقدمات میں ریکارڈ یافتہ ہے ،دھمیال پولیس کو اطلاع ملی تھی

کہ ملزمان رنیال میں شہری سے گن پوائنٹ پر کرولا کار چھین کر فرار ہو رہے ہیں، پولیس نے گرجا روڈ پر گاڑی کو روکنے کی کوشش کی

تو ملزمان نے پولیس پارٹی پر فائرنگ کی، واقعہ کی اطلاع پر سینئر افسران موقع پر پہنچ گئے،کار سنیچنگ کی اطلاع پر بروقت کارروائی کرتے ہوئے ملزمان کی فائرنگ کے باوجود بہادری سے مقابلہ کر کے چھینی گئی

گاڑی کی برآمدگی پر سی پی او سید خالد ہمدانی کی ایس پی صدر، ایس ڈی پی او صدر اور دھمیال پولیس ٹیم کو شاباش دی۔