خداداد خان دکھیا

یاسر صابری

خداداد خان دکھیا1927ء کو سردار جہاں داد کے ہاں گاؤں اپر پور،مٹوتحصیل کہوٹہ میں پیدا ہوئے.ابتدائی تعلیم مٹور سکول سے حاصل کی اور دینی تعلیم مٹور ہی کے مدرسہ سے حاحل کی.اس کے فوج میں بھرتی ہوئے اور دورانِ ملازمت میٹرک کی اور سپاہی رینک میں پنشن آئے.فوج سے پنشن آنے کے بعد سول انجینئرنگ کا کام کیا. آپ نے 114ستمبر1977ء کو وفات پائی اور (لٹوری سیداں مٹور:تحصیل کہوٹہ) کے قبرستان میں مدفون ہوئے.(۱)
آپ کا مجموعۂ کلام (نویاں کلیاں: جنوری 2008ء) آپ کی وفات کے بعد آپ کے بیٹے سردار صغیر احمد نے شایع کیا
اللہ رسول نوں یاد کر کے ، مجلس شروع کردا خدمت گار بندہ
بھائیو بھل اتے پردہ پا لینا ، کیوں جے بھل جاندا بھلن ہار بندہ
اہل بزم سب دا تابعدار ہاں میں ، میں ناچیز بندہ تابعدار بندہ
دکھیا مولا دے پاک دربار وچوں ، منگدا عاجزی اے خاکسار بندہ
*
قلم کر حمد تحریر ایسی ، بکھر جان تحسین تے گوہر ہی گوہر
ملن جا بجا تیرے بکھیرنے تھیں ، ہر ہر قطعہ زمین تے گوہر ہی گوہر
نوری ناری خاکی مرحبا آکھن ، گُندھے دیکھ نگین تے گوہر ہی گوہر
لکھ لکھ یار دی صفت بکھیردی جا ، دکھیا شام رنگین تے گوہر ہی گوہر
*
پیارے دلبر مولا مصطفیؐ دے ، علیؓ ، عمرؓ ، صدیقؓ ، عثمانؓ چارے
عاشق یار صادق کملی والڑے دے ، عالی شان والے عالی شان چارے
قسم رب دی کدی نہ فرق کرساں ، منے سچ کر نال ایمان چارے
دکھیا طاقت نیں میری جے نہ مناں ، منے یار جد عربی سلطان چارے
*
دم بدم ہجر تڑپاندا جس دا ، کوئی پرواہ نہ اس نوں بے تاب دی اے
پانویں ٹرپدا رے سوز و گداز اندر ، بالکل خبر نہ خانہ خراب دی اے
لمبی ڈور اے جس دا حساب ہی نئیں ، بہت بلند پر گڈی شباب دی اے
دکھیا کوئی نئیں چکور نوں پہنچ لگدی ، بستی دور دلدار مہتاب دی اے
*
ایسا اک ظالم بے چین کیتا ، اے ناممکن ہن کدھرے قرار آوے
بے رخی کڑوے جواب لے کے ، مڑ کے میر ا ہر قاصد بے زار آوے
ہن اتنی وی رہی نہ امید باقی ، کدھرے بھل کے ویکھن مزار آوے
ایسا اجڑیا چمن امید دکھیا ، نظر آندی نیں مڑ کے بہار آوے
*
تند و غبار وچ پیا تڑپاں ، نہ اے ظالم فراق دی رات مکدی
نظر سو بسو تندو غبار آوے ، نہ دن نکلے تے نہ ظلمات مکدی
بات عشق پریم دی چھیڑ دتی ، نہ ہن منزل لبدی نہ بات مکدی
کھا کے تیر غم دا نیم جان تڑپاں ، نہ دکھ جاندے نہ دکھیا حیات مکدی{jcomments on}