جنڈ ، پنڈ اسرال،تربیت یافتہ ریسکیو اہلکار نے دو زندگیاں بچا لیں

ریسکیو 1122 کے کنٹرول روم میں رات 3 بجے ایک ہنگامی کال موصول ہوئی۔ کال کی نوعیت غیر معمولی تھی
ایک خاتون کو پنڈ اسرال گاؤں سے زچگی کی شدید تکلیف میں اسپتال پہنچانا تھا، لیکن قدرت کو کچھ اور ہی منظور تھا۔
ریسکیو اہلکار فوری طور پر حرکت میں آئے اور ریسکیو ایمبولینس موقع کی طرف روانہ ہوئی
تربیت یافتہ سٹاف نے بروقت پہنچ کر خاتون کو ایمبولینس میں منتقل کرنا چاہا، مگر خاتون کو لیبر پین شروع ہو چکی تھی۔ لمحہ بہ لمحہ وقت کی نزاکت بڑھتی جا رہی تھی۔ یہی وہ لمحہ تھا جب ریسکیو 1122 کے تربیت یافتہ اہلکار جلیل الرحمن نے خاوند صمد علی کی اجازت سے پیشہ ورانہ مہارت اور انسانی ہمدردی کی اعلیٰ مثال قائم کرتے ہوئے گھر میں ہی ڈیلیوری کروا دی، ماں نے 2 صحت مند بیٹوں کو جنم دیا اور ماں بھی خیریت سے تھی جس پر خاوند نے تہہ دل سے ریسکیو 1122 کا شکریہ ادا کیا