جمیما گولڈ اسمتھ کی والدہ لیڈی اینابیل گولڈ اسمتھ 91 برس کی عمر میں انتقال کر گئیں

لندن: (حذیفہ اشرف) سابق وزیراعظم عمران خان کی سابق اہلیہ جمیما گولڈ اسمتھ کی والدہ لیڈی اینابیل گولڈ اسمتھ 91 برس کی عمر میں انتقال کر گئی ہیں۔ ان کے انتقال کی تصدیق خاندان کے ذرائع نے کی۔خاندانی ذرائع کے مطابق لیڈی اینابیل طویل عرصے سے علیل تھیں اور لندن میں اپنے گھر پر انتقال کر گئیں۔ وہ مشہور برطانوی کاروباری شخصیت سر جیمز گولڈ اسمتھ کی اہلیہ تھیں، جو 1997 میں وفات پا گئے تھے۔لیڈی اینابیل گولڈ اسمتھ برطانوی اعلیٰ طبقے کی معروف سماجی شخصیت تھیں اور ان کا شمار لندن کی بااثر خواتین میں ہوتا تھا۔ ان کے شوہر سر جیمز گولڈ اسمتھ ایک بین الاقوامی شہرت یافتہ بزنس مین اور سیاسی اثر و رسوخ رکھنے والے سرمایہ کار تھے۔91 سالہ لیڈی اینابیل کے تین بچوں، جمیما، زکریا اور بین گولڈ اسمتھ تھے ان کے انتقال پر جمیما کے مداحوں، دوستوں اور مختلف بین الاقوامی شخصیات کی جانب سے گہرے دکھ اور تعزیت کا اظہار کیا جا رہا ہے۔