جموں 6،ویلی 4 اور 5 حلقوں سے 23 ہزار ووٹ برخاست

راولپنڈی (نیٹ نیوز)قانون ساز اسمبلی آزاد کشمیر مقیم مہاجرین پاکستان کے تین حلقوں جموں 6 ، ویلی 4 اور 5 میں 25 جولائی کو 44 ہزار ووٹر حق رائے دہی استعمال کریں گے،ان حلقوں سے 14 ویں ترمیم کے تحت23ہزار ووٹ نکال دیئے گئے ہیں، ان حلقوں میں پیپلزپارٹی ،مسلم لیگ (ن) اور تحریک انصاف کے امیدواروں نے اپنی انتخابی مہم بھی شروع کردی ، جموں 6 میں 2016 کے الیکشن میں 55 ہزارووٹ تھے ، الیکشن کمیشن نے 14ویں ترامیم کے تحت اس حلقے میں 19 ہزارووٹ آزادکشمیر کے مستقل ایڈریس پر منتقل کردیئے ،اس حلقے میں مسلم لیگ (ن) کے امیدوار راجہ صدیق خان ،پیپلزپارٹی کے فخرزمان چوہدری اورتحریک انصاف کی نازیہ نیاز میں مقابلہ ہو گا ،جموں 6 میں ن لیگ اورپیپلزپارٹی کے امیدوار کے درمیان مقابلہ ہوگا، ویلی چار میں 33 سو ووٹ تھے جو اب کم ہوکر 24 سو رہ گئے ،اس حلقے میں پیپلزپارٹی کے امیدوار اظہر گیلانی،تحریک انصاف کے امیدوار جاوید بٹ اور مسلم لیگ ن کی امیدوار نسیمہ وانی ہیں ، اس حلقے سے تحریک انصاف کے سابق ٹکٹ ہولڈراشتیاق بخاری نے ٹکٹ نہ ملنے پر پیپلزپارٹی میں شمولیت اختیار کرلی، ویلی چار میں 10ہزارووٹ تھے جو کم ہوکر 6ہزار رہ گئے ، اس حلقے میں مسلم لیگ ن کے احمد رضا قادری ، پیپلزپارٹی کے ارشد اسلام بٹ ، تحریک انصاف کے بشیر خان اور مسلم کانفرنس کی امیدوار مہرالنسا ہیں ۔