راولپنڈی (نمائندہ خصوصی) تھانہ روات کی حدود پنجگراییں میں گھریلو جھگڑا ایک المناک سانحے میں بدل گیا۔ ذرائع کے مطابق ایک شخص نے غصے کے عالم میں اپنے سگے بھائی اور بیٹے کو فائرنگ کر کے قتل کر دیا۔ واقعہ کی اطلاع ملتے ہی پولیس موقع پر پہنچ گئی اور ملزم کو گرفتار کر لیا گیا۔
پولیس کے مطابق واقعہ گھریلو تنازع کے باعث پیش آیا، تاہم اصل وجوہات جاننے کے لیے مزید تفتیش جاری ہے۔ دونوں لاشوں کو پوسٹ مارٹم کے لیے اسپتال منتقل کر دیا گیا ہے جبکہ علاقے میں خوف و ہراس کی فضا قائم ہے۔
ایس ایچ او تھانہ روات کا کہنا ہے کہ مقدمہ درج کر کے تفتیش کو ہر پہلو سے آگے بڑھایا جا رہا ہے تاکہ اصل محرکات سامنے لائے جا سکیں۔
