راولپنڈی (سردار آفتاب اقبال) تحریک لبیک پاکستان پی پی 16 کے زیر اہتمام استحکامِ پاکستان کے موضوع پر عظیم الشان ورکرز کنونشن 13 ستمبر کو مکہ شادی ہال، خیابان سر سید راولپنڈی میں شاندار طریقے سے منعقد ہوا۔ کنونشن میں پی پی 16 کی تمام یونین کونسلز کے ذمہ داران، کارکنان، علمائے کرام، تاجر برادری، وکلا اور اہلِ محبت نے بڑی تعداد میں شرکت کی۔
کنونشن کے مہمانانِ خصوصی میں امیر تحریک لبیک پاکستان شمالی پنجاب و رکن شوریٰ پیر سید عنایت الحق شاہ سلطان پوری، ناظم اعلیٰ ضلع راولپنڈی رب نواز فاروقی، سیکیورٹی انچارج ضلع راولپنڈی شیخ واصف، ناظم مالیات سید عدیل شاہ، امیدوار ایم این اے و ایڈووکیٹ سپریم کورٹ سجاد اکبر عباسی، پیر طریقت رہبر شریعت پیر سعد الرحمن عید گاہ شریف، صدر آل پاکستان مقدس اوراق شیراز احمد فاروقی، تاجر برادری کی نمائندگی کرتے ہوئے حسن غزالی اور مہمانِ خصوصی ضلع راولپنڈی حفیظ الرحمن شامل تھے۔کنونشن کے کامیاب انعقاد میں پی پی 16 کے مقامی ذمہ داران امیر قاری نعیم افضل قادری، ناظم اعلیٰ غلام عباس خان اور سرپرستِ اعلیٰ شیخ محمد ندیم نے اپنی ٹیم کے ہمراہ کلیدی کردار ادا کیا۔
خطابات کے دوران پیر سید عنایت الحق شاہ سلطان پوری نے کہا کہ “راولپنڈی میں پی پی 16 تحریک کے کام کرنے میں پہلے نمبر پر ہے۔” پیر سعد الرحمن عید گاہ شریف نے خطاب کرتے ہوئے کہا کہ “پاکستان بھر میں اگر کوئی سیاسی جماعت رسول اللہ ﷺ کے نظام کی بات کرتی ہے تو وہ تحریک لبیک ہے، اور اگر میری کوئی سیاسی وابستگی ہے تو وہ صرف تحریک لبیک ہے۔”
تاجروں کی نمائندگی کرتے ہوئے حسن غزالی نے کہا کہ تاجر برادری تحریک لبیک کے مشن میں قدم بہ قدم ساتھ کھڑی ہے۔
پروگرام کے اختتام پر سرپرستِ اعلیٰ شیخ محمد ندیم نے تمام مہمانانِ گرامی اور شرکائے کنونشن کا شکریہ ادا کیا۔ آخر میں پیر سید عنایت الحق شاہ سلطان پوری نے ملک و قوم کے استحکام اور نظامِ مصطفیٰ ﷺ کے نفاذ کی خصوصی دعا کروائی۔
