بھلڑ توپ ٹیکسلا میں آٹھویں محرم الحرام کا جلوس امن کمیٹی کے عہدیداروں نے قیادت کی

ٹیکسلا(نمائندہ پنڈی پوسٹ) امن کمیٹی تحصیل ٹیکسلا کے عہدیداران نے اسسٹنٹ کمشنر تحصیل ٹیکسلا زریاب ساجد کی نگرانی میں بھلڑ توپ میں آٹھویں محرم الحرام کی جلوس کی قیادت کی اور اپنی نگرانی میں جلوس کو مقررہ راستوں سے گزار کر برمقام مجلس اختتام پذیر کرایا،

اس موقع پر ڈی ایس پی ملک ارشاد، امن کمیٹی تحصیل ٹیکسلا کے سرپرست اعلیٰ قاضی محمد ادریس، صدر پیر سعید نقشبندی،محمد نجیب عباسی، ممبر ضلعی امن کمیٹی سید نثار حسین شہال،ملک سجاد ایڈووکیٹ، سیدواجد حسین شاہ، ذوالفقارعلی زلفی،چوہدری حسن علی سمیت دیگر عہدیداران و منتظمین مجلس و جلوس موجود تھے

آٹھویں محرم الحرام کا جلوس ذوالجناح نکالا گیا اور بعد ازاں مجلس عزاء کاانعقاد ہوا، اس موقع پر امن کمیٹی تحصیل ٹیکسلا کے صدر پیر سعید نقشبندی نے کہا کہ اللہ تعالیٰ کے فضل و کرم سے تحصیل ٹیکسلا میں محرم الحرام کے تمام پروگرام بخیرو عافیت اور خوش اسلوبی سے پایہ تکمیل تک پہنچ رہے ہیں ہم بھرپور ڈیوٹی دے رہے ہیں، تمام علمائے کرام اور مکاتب فکر سے تعلق رکھنے والی شخصیات کے ساتھ باہم مل کر امن و امان کی صورتحال بہتر بنائی گئی ہے