راولپنڈی(بابراورنگزیب )بحریہ ٹاؤن فیزز سے آنے والے برساتی پانی اور مسلسل زمینی کٹاؤ نے نواحی دیہی علاقوں کی زندگی کو شدید خطرے میں ڈال دیا ہے۔ متاثرہ دیہات باغ راجگان اور موہڑہ نگیال میں صورتحال اس قدر تشویشناک ہو چکی ہے کہ مقامی لوگ راتیں جاگ کر گزارنے پر مجبور ہو گئے ہیں۔
مقامی ذرائع کے مطابق، حالیہ بارشوں کے بعد بحریہ ٹاؤن سے آنے والے پانی کے بہاؤ میں غیر معمولی اضافہ ہوا، جو بغیر کسی نکاسیِ آب کے بندوبست کے براہِ راست دیہی علاقوں میں داخل ہو رہا ہے۔ تیز رفتار پانی اور زمین کی کٹائی سے نچلی سطح پر واقع گاؤں جیسے سوہاوہ، کھڑکن، لڑی، ملانہ اور ٹھٹہ بھی متاثر ہو رہے ہیں۔
اہل علاقہ کا کہنا ہے کہ:
“بحریہ ٹاؤن نے اپنے پروجیکٹ کی تعمیرات کے دوران قدرتی نالوں اور پانی کے بہاؤ کو نظر انداز کیا۔ نکاسیِ آب کا کوئی باقاعدہ یا مؤثر نظام موجود نہیں، جس کی سزا اب ہم دیہی لوگ بھگت رہے ہیں۔”
اہلِ علاقہ نے خدشہ ظاہر کیا ہے کہ اگر یہی صورتحال برقرار رہی تو اگلی شدید بارش دیہات میں تباہی پھیلا سکتی ہے، جس سے نہ صرف زرعی زمینیں تباہ ہوں گی بلکہ انسانی جانوں کو بھی خطرہ لاحق ہو گا۔
مقامی افراد اور یونین کونسل کے نمائندوں نے اعلیٰ حکام، ضلعی انتظامیہ، اور پنجاب حکومت سے اپیل کی ہے کہ بحریہ ٹاون انتظامیہ کو فوری طور پر نکاسی آب کا مؤثر نظام بنانے کا پابند کیا جائے
