بحریہ ٹاؤن فیز 4 بدنام زمانہ شخص “اجو” گرفتار

اسلام آباد (نامہ نگار) بحریہ ٹاؤن فیز4 سِوک سینٹر میں مساج سینٹر “مس می” کی آڑ میں مبینہ طور پر فحاشی، جسم فروشی، منشیات فروشی اور جعلسازی کے دھندے چلانے والا شخص “اجو” بالآخر قانون کے شکنجے میں آ گیا۔

ذرائع کے مطابق ملزم شہریوں سے سرمایہ کاری کے نام پر لاکھوں روپے بٹورتا، لڑکیوں کے ذریعے بلیک میلنگ کرتا اور چرس و آئس فروخت کر کے نوجوان نسل کو تباہی کی طرف دھکیل رہا تھا۔ اس کے خلاف ماضی میں 9-C کے تحت مقدمہ بھی درج ہو چکا ہے۔

شہری کی تحریری شکایت پر، جس میں سات لاکھ روپے کے جعلی چیک کا الزام لگایا گیا تھا، اسلام آباد پولیس نے فوری ایکشن لیتے ہوئے کارروائی کی۔ ایس پی رورل زون خُرم اشرف کی ہدایت پر ایس ایچ او لوہی بھیر اور ان کی ٹیم نے چھاپہ مار کر نہ صرف ملزم کو گرفتار کر لیا بلکہ اس کی سفید وِگو گاڑی بھی قبضے میں لے لی، جسے وہ “سرکاری گاڑی” ظاہر کرتا تھا
ایس ایچ او لوہی بھیر نے میڈیا کو بتایا
“ایس پی خُرم اشرف کی قیادت میں اسلام آباد پولیس کا مشن ہے کہ علاقے کو جرائم سے پاک کیا جائے۔ ایسے عناصر کو کسی صورت برداشت نہیں کیا جائے گا