بجٹ 2024این اے 53 کے بہت سے میگا پراجیکٹس کی 2024 کے بجٹ میں منظوری ہو گئی ہے جن میں سر فہرست سڑکوں کی تعمیر کے منصوبے ہیں ۔جیسا کہ پہلے بتا دیا تھا کہ اڈیالہ روڈ چونترہ ، روات ، دھاماں ، کلیال ، دھمیال، اڈیالہ گورکھپور وغیرہ کے باسیوں کے لئے بڑی خوشخبری صرف یہ نہی ہے کہ دو ارب روپے کی لاگت سے خواجہ کارپوریشن تا گورکھپور سڑک کی تعمیر و کشادگی کی جا رہی ہے بلکہ ساتھ یہ بھی ہے کہ خواجہ کارپوریشن چوک میں عام آدمی کو شدید رش کی اذیت سے بچانے کے لئے ڈیڑھ ارب کی لاگت سے ایک فلائی اوور کی منظوری بھی حاصل کر لی گئی ہے
حلقہ این اے 53 سے رکن قومی اسمبلی اورچیئرمین ضلعی کوارڈینشن کمیٹی راولپنؕدی قمرالسلام راجہ کے مطابق
2۔دو ارب بیس کروڑ کی لاگت سے چکری اڈہ تا ہرنیانوالہ براستہ بلاول اڈہ کی منظوری بھی ہو گئی ہے جس کے لئے 35 کروڑ روپیہ اس مالی سال میں جاری ہو جائیگا۔ یاد رہے کہ اس سڑک کی مخدوش حالت کے پیش نظر اس علاقے کے لوگ شدید اذیت کا شکار تھے۔
3۔ چکری سے ڈھڈمبر سڑک کی تعمیر کے لئے 6 کروڑ بیس لاکھ روپے کی گرانٹ منظور ہو گئی ہے جو پوری ریلیز کے ساتھ اسی مالی سال کے اندر مکمل ہو جائے گی۔
4۔ ہرکہ بسالی روڈ کی تعمیر کے لئے دس کروڑ 31 لاکھ کی منظوری ہو گئی ہے جو اسی مالی سال کے اندر تمام کی تمام ریلیز ہو جائے گی اور انشااللہ کام مکمل ہو جائے گا۔
5۔ کڑڑ روڈ کے بقایا کام کی تکمیل کے لئے بھی 5 کروڑ پچاس لاکھ کے گنڈ منظور ہو چکے ہیں جو تمام کے تمام اسی مالی سال میں ریلیز ہو جائینگے ۔
6۔ اس کے علاوہ ایک بہت اہم سڑک جو اڈیالہ روڈ اور روات چکری روڈ کے درمیان اہم لنک ہے یعنی کچی جوڑیاں سے جرار کیمپ موڑ کو آخری لمحات میں شامل کروایا گیا ہے جس پر 21 کروڑ کی لاگت آئے گی۔ گو کہ اس سال میں اس کے لئے صرف ایک کروڑ تیس لاکھ جاری ہوں گے مگر اس کی اہمیت کے پیش نظر پوری کوشش ہو گی کہ اس مالی سال میں مزید فنڈز کا اجرا کروا کر اسے مکمل کروا لیا جائے۔ یہ
7۔ اس کے علاوہ مین چکری روڈ سے جانب مورت سڑک بھی پانچ کروڑ کے فنڈز سے اس مالی سال کے اندر مکمل ہو جائے گی انشااللہ۔
8۔ اس علاقے کی سب سے اہم سڑک یعنی جوڑیاں تا چکری روڈ کی تعمیر کے لئے تقریبا” 27 کروڑ کی منظوری حاصل کر لی گئی ہے جو انشااللہ جلد تکمیل کے مراحل طے کرے گی ۔ اس کو پہلے ایم این اے فنڈ کے اندر رکھا تھا مگر پھر آخری دنوں میں میگا پراجیکٹ کا حصہ بنانے میں کامیابی ہو گئی ۔ گو کہ اس سال کے لئے دستیاب فنڈ فی الحال صرف دو کروڑ کے لگ بھگ ہیں مگر انشااللہ اسی مالی سال کے لئے جوڑیاں چکری روڈ اور کچی جوڑیاں جرار کیمپ موار روڈ کے لئے مزید فنڈ حاصل کئے جائیں گے۔
9۔ اہلیان چک بیلی کے لئے چک بیلی بائی پاس کے لئے چار کروڑ چوراسی لاکھ کی مکمل ریلیز اسی مالی سال کے اندر ہو جائے گی
10۔ تقریبا” پانچ کروڑ کی لاگت سے ریسکیو 1122 چک بیلی خان بمقام جوڑیاں جس کو علاقے کی ضرورت کے پیش نظر میں نے 2022 کے بجٹ میں شامل کروایا تھا اب اس مالی سال کے اندر ایک کروڑ اسی لاکھ کے مزید فنڈ سے انشااللہ اسی سال مکمل ہوجائے گا اور اگلے مالی سال میں جوڑیاں ہسپتال کی تکمیل پر اس کی مکمل افادیت عام آدمی تک پہنچنا شروع ہو جائے گی ۔
11۔ مہوٹہ ڈیم کے نظام آبپاشی کی توسیع اور بقایا کام کی تکمیل سمیت کچھ ادئیگیوں کے لئے اس مالی سال میں 20 کروڑ کے مزید فنڈز کی منظوری حاصل ہو گئی ہے جس سے علاقے میں ترقی ، خوشحالی اور زیر زمین پانی کی سطح میں اضافہ ہو گا۔
12 ۔ 65 ارب سے چیہان ڈیم پینے کے پانی کا منصوبہ باقاعدہ طور پر اس بجٹ کا حصہ بنا ہے جس کے لئے اہلیان پی پی 11 مبارکباد کے مستحق ہیں گو کہ اس پر کام پچھلے سوا دو برس سے جاری تھا اور اس کی تفصیلات سے لوگ آگاہ ہیں ۔
13۔ اس کے علاوہ تقریبا” پانچ ارب روپے کی لاگت سے مورگاہ ، کوٹھہ کلاں 1، کوٹھہ کلاں 2 اور پانی کی شدید کمی اور اذیت کا شکار ملحقہ علاقوں یعنی رحمت آباد ، ڈھوک منشی وغیرہ کے لئے بنایا گیا منصوبہ پنجاب کے تمام پیچیدہ مراحل طے کرنے کے بعد اسلام آباد پہنچ گیا ہے جس کے آخری مراحل کی نوک پلک سنواری جا رہی ہے اور بہت جلد انشااللہ کام شروع ہوگا۔
14۔ لکھن ، موہری غزن اور دھمیال وغیرہ کی جاری واٹر سپلائی سکیم کے لئے اس مالی سال میں دو کروڑ کے فنڈز کا اجرا ہوا ہے مگر اصل مسلہ انشااللہ چہیہان ڈیم منصوبے سے ہی حل ہو گا۔
15۔ علاقے کے عام آدمی کو اذیت سے بچانے کے لئے کچہری چوک ری ماڈلنگ کا منصوبہ بھی اسی سال 2 ارب کی لاگت سے شروع ہو گا۔
جھٹہ ہتھیال گرلز ڈگری کالج کی تکمیل کے لئے ایک کروڑ چونتیس لاکھ کی منظوری ہو گئی ہے کیونکہ اس کے بغیر کلاسوں کا اجرا ناممکن تھا
