بانو جہانگیر راجہ ایڈووکیٹ کا سپریم کورٹ میں اندراج — خواتین وکلاء کی کامیابیوں کی نئی مثال

کلرسیداں (نمائندہ پنڈی پوسٹ)
بانو جہانگیر راجہ ایڈووکیٹ کو سپریم کورٹ آف پاکستان میں بطور وکیل اندراج کی منظوری۔معروف قانون دان بانو جہانگیر راجہ ایڈووکیٹ کو سپریم کورٹ آف پاکستان میں بطور ایڈووکیٹ اندراج کے لیے فٹنس سرٹیفکیٹ جاری کر دیا گیا ہے۔ اس اہم پیش رفت کے بعد وہ باقاعدہ طور پر ملک کی اعلیٰ ترین عدالت میں پیش ہو سکیں گی۔بانو جہانگیر راجہ کا یہ اعزاز نہ صرف ان کی پیشہ ورانہ صلاحیتوں کا اعتراف ہے بلکہ وکالت کے شعبے میں خواتین کی بڑھتی ہوئی نمائندگی کی بھی روشن مثال ہے۔ ان کے قریبی حلقوں اور ساتھی وکلاء نے اس کامیابی پر دلی مبارکباد دی ہے اور امید ظاہر کی ہے کہ وہ سپریم کورٹ میں بھی انصاف کی فراہمی کے لیے اپنی خدمات کو اسی لگن سے جاری رکھیں گی۔یاد رہے کہ سپریم کورٹ میں وکیل کے طور پر اندراج کے لیے سخت معیار اور ضوابط مقرر ہیں، جن پر پورا اترنا ہر وکیل کے لیے ایک اعزاز کی حیثیت رکھتا ہے۔