ٹیکسلا۔ بار ایسوسی ایشن ٹیکسلا کے وفد کا ٹیکسلا پریس کلب کا دورہ۔ نومنتخب صدر حسن علی طاہر اور جنرل سیکرٹری بابو سید وسیم شاہ کو مبارکباد پیش کی۔ پھولوں کے گلدستے اور دفتری استعمال کی اشیاء بطور تحفائف پیش کیں تفصیلات کے مطابق ٹیکسلا بار ایسوسی ایشن کے وفد نے ٹیکسلا پریس کلب کا دورہ کیا اور نومنتخب صدر حسن علی طاہر اور جنرل سیکرٹری بابو سید وسیم شاہ کو مبارکباد پیش کی۔
وفد کی قیادت سابق صدر بار ایسوسی ایشن سید اکرار حیدر ایڈووکیٹ ہائی کورٹ نے کی وفد نے نومنتخب عہدیداران کو پھولوں کے گلدستے اور دفتری استعمال کی اشیاء بطور تحائف پیش کئے جبکہ پریس کلب کی جانب سے معزز مہمانوں کا پرتپاک استقبال کیا گیا اور کیک کاٹا گیا۔
اس موقع پر وکلاء برادری کی نمایاں شخصیات میں چوہدری محمد صدیق ایڈووکیٹ ہائی کورٹ، سردار ملک علی ایڈووکیٹ ہائی کورٹ (امیدوار جنرل سیکرٹری ٹیکسلا بار)، مختار اجمل بھٹی ایڈووکیٹ، الطاف حسین ایڈووکیٹ، شیخ آتش ایڈووکیٹ، سید جابر شاہ ایڈووکیٹ، ڈاکٹر شمریز پارس ایڈووکیٹ، راجہ روہیل ایڈووکیٹ، اور عزیزاللہ خان ایڈووکیٹ سمیت دیگر وکلاء شریک تھے۔
صحافی برادری کی جانب سے حسن علی طاہر صدر، بابو وسیم شاہ جنرل سیکرٹری، بابا خالق فاروق اعوان، مقصود خان، راجہ منصور عباسی، ملک جاوید، راجہ مشتاق ترک، راجہ برتگین خلجی، راجہ عمران ترک اور میر خواجہ یاسر سمیت دیگر ممبران نے شرکت کی۔
وکلاء اور صحافیوں نے اس موقع پر اس عزم کا اظہار کیا کہ وہ عوامی و معاشرتی مسائل کے حل، انصاف کے حصول اور حقائق کی فراہمی کے لئے ہمیشہ ایک دوسرے کے شانہ بشانہ رہیں گے
