تحصیل کلر سیداں کے نمبرداران کا اایک اجلاس اسسٹنٹ کمیشنر تحصیل کلر سیداں محترمہ شبانہ نذیر صاحبہ کی زیر صدارت ٹی ایم اے ہال کلر سیداں میں منعقد ہوا۔ جس میں آل پاکستان نمبردار ایسوسی ایشن تحصیل کلر سیداں کے عہدے داران۔ ایم پی اے راجہ صغیر احمد۔ بابر اسلام تحصیلدار کلر سیداں اور کثیر تعداد میں تحصیل کلر سیداں کے نمبرداران نے شرکت کی۔
اجلاس سے نمبردار چوہدری اشد تبرز تحصیل کلر سیداں۔ نمبردار اشفاق کیانی صوباٸی چٸیرمین و ڈویژنل سرپرست اعلی۔ نمبردار راجہ ذوالفقار ضلعی چٸیرمین آل پاکستان نمبردار ایسوسی ایشن۔ ایم پی اے راجہ صغیر احمد اور اسسٹنٹ کمیشنر کلر سیداں محترمہ شبانہ نذیر نے خطاب کیا۔ نمبرادر چوہدری ارشد تبریز صاحب نے خطاب کرتے ہوٸے کہا کہ نمبردار معاشرے کا ایک ذمہ دار رکن ہے۔
انتظامی معاملات میں نمبردار کی شرکت کے بغیر مطلوبہ نتاٸج حاصل نہیں کیے جا سکتے۔ انھوں نے اے سی صاحبہ اور ایم پی اے کی توجہ حالیہ قاٸم مصالحتی اور امن کمیٹی کی جانب مبذول کراٸی۔ کہ ان کمیٹیز میں کسی نمبردار کو شامل نہیں کیا گیا جس سے یہ کمیٹیز اپنی افادیت کھو دیں گی۔ نمبردار راجہ اشفاق کیانی نے تحصیل کلر سیداں کے ان علاقوں کی نشاندہی کی جن کو ستھرا پجاب پروگرام میں نظر انداز کیا جا رہا ہے۔
اے سی شبانہ نذیر صاحبہ نے اجلاس سے خطاب کرتے ہوٸے کہا کہ موجودہ مون سون کے موسم میں تحصیل کلر سیداں میں بچوں اور جوانوں کے ندی نالوں میں نہاتے ہوٸے ڈوبنے کے متعدد واقعات ہو چکے ہیں۔ ضلعی انتظامیہ نے ضلع راولپنڈی میں دفعہ 144نافذ کر دی ہے۔ ندی نالوں۔ تالابوں اور ڈیمز میں نہانے پر مکمل پابندی ہے۔ ڈیمز اور ندی نالوں میں نہانے والوں پر ایف اٸی آر درج کراٸی جاٸے گی
ندی نالوں میں نہانے والے کم سن بچوں کے والدین پر ایف آٸی آر کا اندراج کرایا جاٸے گا۔ انھوں نے نمبرداران سے اپیل کی کہ نمبرداران اس سلسلے میں انتظامیہ کے ساتھ تعاون کریں۔ اور اہلیان علاقہ میں آگاہی پیدا کریں کے وہ اس سیزن میں ندی نالوں سے دور رہیں۔ تاکہ حادثات سے بچا جا سکے اور قیمتی جانوں کے ضیاع کو روکا جا سکے۔ ایم پی اے اور اے سی صاحبہ نے نمبرداران کو یقین دلایا کہ مصالحتی اور امن کمیٹیز میں نمبرداران کی شرکت کو یقینی بنایا جاٸے گا۔
