ایم پی اے طاہرہ مشتاق کا ایپکا ایجوکیشن آفس راولپنڈی کا دورہ

رکن پنجاب اسمبلی (ایم پی اے) محترمہ طاہرہ مشتاق نے چیف ایگزیکٹو آفیسر، ڈسٹرکٹ ایجوکیشن اتھارٹی راولپنڈی کے دفتر میں واقع آل پاکستان کلرکس ایسوسی ایشن (APCA) ایجوکیشن ونگ کے ہیڈ آفس راولپنڈی کا خصوصی دورہ کیا۔
اس موقع پر انہوں نے APCA فی میل ونگ راولپنڈی کی چیئرپرسن محترمہ سدرہ خالد سے خصوصی ملاقات کی۔ ملاقات کے دوران خواتین ملازمین کو درپیش مسائل پر تفصیلی گفتگو ہوئی، جن میں سہولیات کی کمی، ترقیوں میں تاخیر، دفاتر میں سیکیورٹی کا فقدان، اور ڈے کیئر سنٹرز جیسے اہم نکات شامل تھے۔ معزز ایم پی اے محترمہ طاہرہ مشتاق نے تمام مسائل کو توجہ سے سنا اور خواتین کی آواز کو پارلیمان میں مؤثر انداز میں بلند کرنے کا وعدہ کیا۔
اس موقع پر کئی معزز شخصیات/قایدین نے شرکت کی جن میں ایپکا کالج ونگ کے صدر ملک جمیل اعوان,
ایپکا سکول ونگ کے صدر ملک ارشاد سلطان،محترمہ روبینہ تحسین,شہباز علی خان ایپکا کے سرگرم راہنما محترم راجا عمیر
اور دیگر کارکنان و عہدیداران شامل تھے۔
تمام قائدین APCA کی تعلیمی و تنظیمی کاوشوں کو سراہا اور سرکاری ملازمین، خصوصاً خواتین، کے مسائل کے حل کے لیے مکمل تعاون کی یقین دہانی کروائی۔
بعد ازاں محترمہ طاہرہ مشتاق نے چیف ایگزیکٹو آفیسر، ڈسٹرکٹ ایجوکیشن اتھارٹی راولپنڈی محترم طارق محمود سے خصوصی ملاقات کی۔ اس موقع پر اسکولوں میں درپیش انتظامی، تعلیمی، اور فلاحی امور پر تفصیلی گفتگو ہوئی۔
ایم پی اے محترمہ طاہرہ مشتاق نے اپنے حلقے کے سرکاری اسکولوں کی ترقی، سہولیات کی فراہمی، اور بچوں کے تعلیمی معیار کے حوالے سے گہری دلچسپی کا اظہار کیا۔ انہوں نے اس خواہش کا بھی اظہار کیا کہ وہ جلد سرکاری اسکولوں کا دورہ کرنا چاہتی ہیں تاکہ زمینی حقائق کا مشاہدہ کر سکیں۔
اس پر سی ای او ایجوکیشن راولپنڈی محترم طارق محمود نے انہیں مکمل تعاون کی یقین دہانی کرواتے ہوئے کہا کہ ان کے دوروں کا باقاعدہ شیڈول جلد ترتیب دیا جائے گا۔
آخر میں تمام قائدین نے محترمہ طاہرہ مشتاق کا دل کی گہرائیوں سے شکریہ ادا کیا کہ انہوں نے اپنی مصروفیات میں سے قیمتی وقت نکال کر APCA ایجوکیشن ہیڈ آفس راولپنڈی کا دورہ کیا، ملازمین کے مسائل سنے، اور تعلیمی نظام کی بہتری کے لیے سنجیدہ دلچسپی کا مظاہرہ کیا۔