ایبٹ آباد کے علاقہ ڈھیری میرا اور س کے ملحقہ علاقوں کا روڈ گزشتہ تین دن سے بند ہے

ایبٹ آباد(حسین معاویہ) یونین کونسل سلہڈ کے علاقے ڈھیری میرا کا مرکزی روڈ گزشتہ تین دنوں سے بند ہے، جس کے باعث مقامی لوگ آمدورفت میں شدید مشکلات کا سامنا کر رہے ہیں۔ مقامی شہریوں نے اپنی مدد آپ کے تحت عارضی راستہ بنا کر گزرنے کا بندوبست کیا ہے۔
علاقہ مکینوں کا کہنا ہے کہ یہ مسئلہ بار بار سامنے آ رہا ہے۔ بارش کے بعد موٹروے کا پانی سیدھا گاؤں کی سڑکوں کی طرف آ جاتا ہے، جس سے راستہ بہہ جاتا ہے اور آمدورفت معطل ہو جاتی ہے۔
شہریوں نے بتایا کہ وہ کئی مرتبہ ضلعی انتظامیہ اور متعلقہ محکموں کو درخواستیں دے چکے ہیں مگر کوئی عملی اقدام نہیں کیا جاتا، ہر بار سڑک تباہ ہونے کے بعد عوام کو خود ہی محنت مزدوری کر کے راستہ بحال کرنا پڑتا ہے۔
مقامی افراد نے ڈپٹی کمشنر ایبٹ آباد اور حکام بالا سے فوری نوٹس لینے اور موٹروے کے پانی کا مستقل حل نکالنے کا مطالبہ کیا ہے تاکہ عوام کو بار بار مشکلات کا سامنا نہ کرنا پڑے۔