مظفرآباد (رپورٹ) – اپر چھتر کے علاقے میں انتہائی افسوسناک واقعہ پیش آیا جہاں میاں بیوی کی گولیوں سے چھلنی لاشیں ان کے گھر سے برآمد ہوئی ہیں۔ پولیس کے مطابق دونوں کو فائرنگ کر کے قتل کیا گیا۔
حکام کا کہنا ہے کہ مقتولین کی میتیں پوسٹ مارٹم کے لیے سی ایم ایچ مظفرآباد منتقل کر دی گئی ہیں تاکہ قانونی تقاضے مکمل کیے جا سکیں اور وجہ موت کی تصدیق ہو سکے۔
پولیس ذرائع کے مطابق دونوں نے ایک ماہ قبل پسند کی شادی کی تھی۔ واقعہ کی اطلاع ملتے ہی پولیس نے علاقے کو گھیرے میں لے کر شواہد اکٹھے کرنا شروع کر دیے ہیں اور مزید تحقیقات جاری ہیں تاکہ قاتلوں کو جلد از جلد گرفتار کیا جا سکے۔
