واہ کینٹ ( عمیر بھٹی) اسپائر اکیڈمی واہ ماڈل ٹاؤن کیمپس میں انگلش لینگویج کورس (Spoken English Batch 1) کی کامیاب تکمیل کے موقع پر ایک پُروقار سرٹیفکیٹ تقسیم تقریب کا انعقاد کیا گیا۔
تقریب کے مہمانِ خصوصی کیپٹن (ر) عمر فاروق تھے جنہوں نے اپنے پُراثر خطاب میں طلباء و طالبات کو علم حاصل کرنے کے تسلسل کو جاری رکھنے اور خود اعتمادی کے ساتھ آگے بڑھنے کی تلقین کی۔
تقریب کی صدارت پروفیسر زاہد اقبال، ڈاکٹر محمد مدثر، چوہدری کامران شکیل اور سید ناظم عباس، ڈائریکٹرز اسپائر اکیڈمی نے کی۔ ان کی قیادت میں ادارہ علاقائی سطح پر معیاری تعلیم اور زبان دانی کے فروغ کے لیے نمایاں کردار ادا کر رہا ہے۔
اس موقع پر قاضی واصف علی (انگلش انسٹرکٹر) کی خدمات کو بھی سراہا گیا جنہوں نے کورس کے دوران طلباء کی رہنمائی اور تربیت میں نمایاں کردار ادا کیا۔
تقریب کا اختتام کامیاب طلباء میں اسناد کی تقسیم اور ادارے کے مشن تعلیمی معیار، لسانی مہارت، اور پیشہ ورانہ ترقی کے فروغ کے عزم کی تجدید کے ساتھ ہوا۔
