اسلام آباد ،بنک کے باہر ڈکیتی کی واردات ناکام

اسلام آباد (نمائندہ پنڈی پوسٹ) اسلام آباد کے علاقہ آبپارہ میں یوبی ایل بنک کے باہر چار ڈکیت دن ایک بجے کے قریب ایس ایم جی گن لیکر آئے ،جنہوں نے آتے ہی یو بی ایل بنک کے باہر فائرنگ شروع کردی ۔ذرائع کے مطابق ایک شخص سید صداقت حسین شاہ6لاکھ روپے بنک میں جمع کروانے آیاتھا

ڈکیت گروہ نے شخص کا پچھا کیا۔بنک کے قریب پہنچتے ہی ڈکیتوں نے فائرنگ شروع کردی ،بنک کے باہر،امجد حسین غازی سیکورٹی گارڈموجود تھا جس نے اپنی جان ہتھیلی پر رکھتے ہوئے،رقم جمع کروانے والے شخص کی جان بچائی۔اور کیش رقم جانے نہ دی

سیکیورٹی گارڈ کا کہنا تھا کہ چار ڈکیت مہران گاڑی سلور رنگ نمبر jz459میں سوار تھے۔ایس ایم جی گن ان کے پاس تھی بنک میں فائر گئے۔فائرنگ سے شیشہ ٹوٹ گیا تاہم جانی ومالی نقصان نہ ہوا۔ڈکیت گروہ فائرنگ کرتے فرار ہوگئے ریسکیو15کال کی۔پولیس بروقت پہنچ گئی تاہم ڈکیت گروہ فرار ہونے میں کامیاب ہوگئے