آزادی ایک اللہ کی طرف سے دیا گیا انمول تحفہ ہے ۔ سردار زاہد فرید

راولپنڈی (سردار آفتاب اقبال)
مسلمانان برصغیر کیلئے 14 اگست 1947 ءکا دن وہ تاریخ ساز دن تھا جب ان کی مسلسل جدوجہد رنگ لائی اور انہیں انگریزوں سے آزادی ملی۔آزادی اللہ کی طرف سے دیا گیا ایک انمول تحفہ ہے۔ ہرفرد خواہ وہ عربی ہو یا عجمی یا کسی ہی رنگ و نسل سے تعلق رکھتا ہو آزادی کا یکساں حق رکھتا ہے۔ بابائے قومؒ کی انتھک محنت کے نتیجے میں برصغیر کے مسلمانوں کو ایک آزاد مملکت نصیب ہوئی۔یہ وہ دن تھا جب شاعر مشرق ڈاکٹر علامہ محمد اقبال ؒ کا خواب شرمندہ تعبیر ہوا۔یہ وہ مبارک دن ہے جب ہمارے آباو اجداد، ماووں، بہنوں اور بیٹیوں کی قربانیاں رنگ لے آئیں۔اس دن ہمارے لاکھوں شہیدوں کے لہو کے ایک ایک قطرے نے پاکستان زندہ باد کی صدا بلند کی اور ان لازوال قربانیوں کے نتیجے میں پاکستان معرض وجود میں آیا ۔سردار زاہد فرید کا کہنا تھا حقیقی آزادی تب ہی ممکن ہے جب ہمارے فیصلے ہمارے ملک میں ہونگے ہم نظام کی غلامی سے چھٹکارا حاصل کرکے حقیقی آزاد ہونگے ۔ تب بنے گا اسلامی جمعوریہ پاکستان