اسلام آباد(نمائندہ پنڈی پوسٹ)دفتر خارجہ نے تصدیق کی ہے کہ یونان میں تارکین وطن کی کشتی الٹنے کے حادثے میں چار پاکستانی جاں بحق ہوئے ہیں۔ یونان کے جنوب میں کشتی الٹنے کے واقعے پرترجمان دفتر خارجہ ممتاز زہرا بلوچ نے اہم پیشرفت سے آگاہ کیا۔
دفتر خارجہ کی ترجمان نے بتایا کہ یونان کشتی حادثے میں جاں بحق پاکستانیوں کی تعداد چار ہو گئی اور اُن کی شناخت بھی ہوگئی ہے۔دفتر خارجہ کے مطابق ایتھنز میں پاکستانی مشن بچنے والوں کی سہولت اور نعشوں کی وطن واپسی کیلئے یونانی حکام کے ساتھ رابطے میں ہے۔
