گوجرخان
بیول: ہوٹل کا کھانا کھانے سے چار افراد بے ہوش، اسپتال منتقل
بیول یونین کونسل کے قریب واقع “کالا” نامی ہوٹل میں کھانا کھانے کے بعد چار افراد کی حالت غیر ہو گئی۔ متاثرہ افراد کو فوری طور پر بیول انٹرنیشنل اسپتال منتقل کیا گیا جہاں ان کا علاج جاری ہے۔
عینی شاہدین کے مطابق کھانے کے فوراً بعد تمام افراد کو چکر آنے لگے اور وہ بے ہوش ہو گئے۔ واقعے کی اطلاع ملتے ہی ریسکیو ٹیمیں موقع پر پہنچ گئیں۔
ذرائع کا کہنا ہے کہ واقعے کی ابتدائی وجہ غیر معیاری یا مبینہ طور پر مضر صحت کھانا ہو سکتی ہے۔ پولیس اور متعلقہ اداروں نے ہوٹل کی سرگرمیاں معطل کرتے ہوئے تحقیقات شروع کر دی ہیں
