گوجرخان (عبدالستار نیازی) اسسٹنٹ کمشنر گوجرخان مہر غلام عباس ہرل نے ناجائز منافع خوری کر کے عوام کی جیبوں پر ڈاکے ڈالنے والوں کیخلاف گھیرا تنگ کر دیا ، اسسٹنٹ کمشنر کی ہدایت پر پرائس کنٹرول مجسٹریٹس نے تحصیل بھر میں فروٹ ، سبزی ، گوشت ، جنرل سٹورز پر قیمتوں کو چیک کیا ، گوجرخان شہر ، بیول ، مندرہ اور دولتالہ میں 374 دکانات کو چیک کیا گیا ، 24 دکانداروں کو مجموعی طور پر 86500 روپے جرمانہ کیا گیا ، معمولی خلاف ورزیوں پر 21 دکانداروں کو وارننگ جاری کی گئی ، جبکہ ایک دکان کو سیل کیا گیا ، اسسٹنٹ کمشنر نے پبلک نیوز سے گفتگو میں کہا کہ رمضان المبارک کے دوران ناجائز منافع خوری کو کسی صورت برداشت نہیں کریں گے ، شہری اشیائے خوردونوش کی خریداری ریٹ لسٹ کے مطابق کریں ، زائد قیمت وصول کرنے والے دکاندار کی نشاندہی کی جائے ، ضرور کارروائی کی جائے گی ۔
123