مظفر آباد(نمائندہ پنڈی پوسٹ) سپریم کورٹ کے فیصلے کی خلاف ورزی اور مس کنڈیکٹ پر ڈسٹرکٹ اینڈ سیشن جج راجہ امتیاز کو گرفتار کر لیا گیا۔ ذرائع کے مطابق، جج راجہ امتیاز نے ایک منشیات فروش کو ضمانت پر رہا کیا تھا جو سپریم کورٹ کے واضح احکامات کی خلاف ورزی تھی۔
حکام کا کہنا ہے کہ عدالت عظمیٰ کی جانب سے جاری فیصلے کو نظر انداز کرنا توہین عدالت کے زمرے میں آتا ہے۔ گرفتاری کے بعد راجہ امتیاز کو متعلقہ حکام نے حراست میں لے کر تفتیش شروع کر دی ہے۔
ذرائع کے مطابق، سپریم کورٹ نے اس عمل کو مس کنڈیکٹ قرار دیتے ہوئے جج کے خلاف کارروائی کا حکم دیا تھا۔ قانونی ماہرین کے مطابق عدالتی فیصلوں کی خلاف ورزی کرنے پر سخت کارروائی کی جا سکتی ہے تاکہ عدلیہ کے وقار کو برقرار رکھا جا سکے۔
