راولپنڈی(نمائندہ پنڈی پوسٹ)سی پی او سید شہزاد ندیم بخاری کی ہدایت پر ایس پی صدر محمد نبیل کھوکھر کاعلی الصبح چونترہ اور چکری کے علاقوں میں سرچ آپریشن،83 ملزمان گرفتار، اسلحہ اور گولیاں برآمد،سرچ آپریشن لادیاں سے سنگرال تک کے علاقوں میں کیا گیا۔تفصیلات کے مطابق سی پی او سید شہزاد ندیم بخاری کی ہدایت پر ایس پی صدر محمد نبیل کھوکھر نیعلی الصبح چونترہ اور چکری کے علاقوں میں سرچ آپریشن کیا،سرچ آپریشن کے دوران 83ملزمان کو گرفتار کرکے 04 کلاشنکوف،03 رائفل12بور، 01رائفل تھری ناٹ تھری، 01ایم پی فائیو، پسٹل،میگزینز اور گولیاں برآمدہوئیں، ایس پی صدر محمد نبیل کھوکھر کی سربراہی میں ایس ڈی پی او صدر، ایس ایچ اوزسمیت ایلیٹ ٹیموں نے سرچ آپریشن میں حصہ لیا، سی پی اوسید شہزاد ندیم بخاری کا کہناتھاکہ سرچ آپریشن کا مقصد جرائم پیشہ عناصر اور ناجائز اسلحہ کے خلاف کارروائی کرنا ہے، چونترہ سمیت راولپنڈی بھر میں قبضہ مافیا اور اسلحہ کے خلاف کریک ڈاؤن جاری رہے گا،قبضہ مافیا اور انسانی جانوں سے کھیلنے والوں سے آہنی ہاتھوں سے نمٹا جائے گا، قبضہ مافیا کے لئے کلئیر میسج ہے قانون کی بالادستی کو یقینی بنایا جائے گا۔
129
