شیکسپیئر کا کہنا ایک ضرب المثال کی حیثیت رکھتا ہے کہ یہ دنیا ایک اسٹیج ہے جس پر ہم سب اداکار ہیں جو اپنے اپنے وقت میں اپنا اپنا کھیل دیکھا کر رخصت ہوجاتے ہیں اچھا اداکار وہی قرار پاتا ہے جو اپنے کردار کی بہترادائیگی کے باعث داد پاتا ہے یہی اداکارزندگی کے آغاز سے انجام تک ایک جواء کھیلتا ہے جس خطرات اور حادثات کی بازی پہلی سانس کے ساتھ لگتی ہے اور آخری سانس تک جاری رہتی ہے
زندگی کی کشمکش میں فنا وبقا ایک حقیت ہے قدرت کا دستور ہے کہ کوئی غیرمعمولی طاقت اُسی کو ملتی ہے جو اس کا موزوں استعمال جانتا ہے فنا وبقا سے نبزد آزماء ہونے والے خود شناس ہوتے ہیں یہ وصف انہیں کو حاصل ہوتا ہے جو اناگیرہوں اور اپنا ادراک رکھتے ہوں جو اپنی طاقت سے وقت کے بے رحم تھپیڑوں کا رخ بدلنے کی صلاحیت رکھتے ہوں جو ظلم وجبر کے بگولوں کو مات دینا جانتے ہوں
حکمت عملی اور ثابت قدمی کے تحت آگے برھنے والے ہمیشہ کامیاب ہوتے ہیں کیونکہ جنگیں زوربازو سے نہیں جذبوں سے جیتی جاتی ہیں جذبہ ہی انسان کو کامیابی وکامرانی کی منزل تک پہنچاتا ہے
میری آج کی یہ تحریر ایک ایسی شخصیت بارے ہے جس کی طویل جدوجہدمحنت اور کاوش سے حاصل کردہ کامیابی ایک مثال بن چکی ہے پنڈی پوسٹ کی 12ویں سالگرہ کے موقع پر میری یہ تحریر چیف ایڈیٹر جناب عبدالخطیب چوہدری صاحب کو خراج تحسین کے لیے ہے عبدالخطیب چوہدری صاحب نے بارہ برس قبل تن تنہا جوپودا لگایا آج وہ ایک تناور درخت کی صورت عوام کو سایہ فراہم کررہا ہے
ایک ایسے وقت میں جب پرنٹ میڈیا زوال پذیر ہے پنڈی پوسٹ کی عوام میں اپنی مقبولیت قائم رکھنا یقیناً عبد الخطیب چوہدری اور ان کی ٹیم کی کاوشوں کا نتیجہ ہے شوقیہ قلمکار کے طور پر جب میں پنڈی پوسٹ سے جُڑا تو میرے ذہن کے کسی گوشے میں یہ خدشہ ضرورموجود تھا کہ پنڈی پوسٹ انتظامیہ بھی دیگر صحافتی اداروں کی طرح حالات کی مناسبت سے تحریروں کو جگہ دینے کی پالیسی رکھتی ہوگی
کیونکہ اب ہر ادارے مین اپنی پسند نا پسند کے تحت تحریروں کو شائع کیا جاتا ہے تحریر کس کے خلاف اور کس کی حمایت میں ہے یہ دیکھ کر جگہ دی جاتی ہے لیکن مجھے یہ کہنے میں کوئی عار نہیں کہ عبدالخطیب چوہدری اور ان کی ٹیم اپنی پسند وناپسند کو پس پشت ڈال کر آنے والی ہر تحریر کو یکساں جگہ دیتے ہیں یقیناّ کچھ تحریریں ان کی سیاسی وابستگی ذاتی دوستی کے تناظر مین ان کے لیے ناپسندیدہ بھی رہتی ہوں گی
لیکن صحافت کے اصولوں کے مطابق پنڈی پوسٹ نے ہر تحریر کو یکساں اہمیت دی۔جو لائق تحسین عمل ہے شاید غیرجانبداری کے اسی اصول نے ہی پنڈی پوسٹ کی مقبولیت کو برقرار رکھا ہوا ہے پنڈی پوسٹ کی 12ویں سالگرہ کے موقع پر جہاں میں عبدالخطیب چوہدری صاحب اور اُن کی ٹیم کو مبارک باد پیش کرتا ہوں وہیں میں اس امید کے ساتھ انہیں ان کی غیرجانبداری پر خراج عقیدت بھی پیش کرتا ہوں کہ وہ اپنی غیرجانبدای کو اسی طرح قائم رکھتے ہوئے حق وسچ کا علم اٹھا ئے رکھیں گے۔
